Cricket Record : ભારતે તોડ્યો 18 વર્ષ જૂનો રેકોર્ડ, કોઇએ ન કર્યું એ કરી બતાવ્યું
Cricket Record: ભારત અને વેસ્ટ ઇન્ડિઝની ત્રીજી વનડે ભારતે જીતી લીધી હતી. આ સાથે ભારતે સિરીઝ પણ 2-1થી જીતી લીધી છે. આ મેચમાં ભારતીય બેટ્સમેનોએ શાનદાર પ્રદર્શન કરીને 351 રનનો સ્કોર બનાવ્યો હતો. આ સાથે ભારતે એક 18 વર્ષ જૂનો રેકોર્ડ તોડી ઇતિહાસ સર્જ્યો છે.
અત્રે નોંધનીય છે કે, એકપણ સદી ફટકાર્યા વિના, ટીમના બેટ્સમેનોએ વનડે મેચમાં ભારત માટે સૌથી મોટો લક્ષ્યાંક બનાવ્યો હતો. આ પહેલા વર્ષ 2005માં શ્રીલંકા સામે ભારતીય ટીમે આવું કારનામું કર્યું હતું.
ચાર બેટ્સમેનોએ અડધી સદી ફટકારી - આ મેચમાં શુભમન ગિલ, ઈશાન કિશન, હાર્દિક પંડ્યા અને સંજુ સેમસને આ મેચમાં અડધી સદી ફટકારી હતી. આ ખેલાડીઓની અડધી સદીની ઇનિંગની મદદથી ભારતે 5 વિકેટના નુકસાન પર 351 રન બનાવ્યા હતા.
ભારત તરફથી કોઈ પણ ખેલાડીએ સદી ફટકાર્યા વિના 351 રનનો લક્ષ્યાંક હાંસલ કર્યો હતો. એક પણ સદી ફટકાર્યા વિના ભારતે આપેલો આ સર્વોચ્ચ લક્ષ્યાંક હતો.
સદી વિના પહેલા પણ કર્યું છે આ કારનામું - ODI ફોર્મેટમાં ભારતીય ટીમે કોઈ પણ બેટ્સમેન વિના સદીની મદદથી આ પહેલા પણ મોટો સ્કોર બનાવ્યો છે. વર્ષ 2005માં શ્રીલંકા સામે ભારતે વ્યક્તિગત સદી ફટકાર્યા વિના 350 રન બનાવ્યા હતા.
આ સિવાય વર્ષ 2004માં ભારતે પાકિસ્તાન સામે 349 રન બનાવવાની સિદ્ધિ મેળવી હતી. તે જ વર્ષે એટલે કે 2004માં જ ભારતે બાંગ્લાદેશ સામે 348 રન બનાવ્યા હતા. આ તમામ મેચોમાં ભારત તરફથી કોઈ બેટ્સમેન સદી ફટકારી શક્યો ન હતો.
Click it and Unblock the Notifications
Sign in with Google
