ક્રિકેટર રિંકુસિંહે UPના સાંસદ સાથે કરી સગાઈ, શાહરુખ ખાનની પુત્રી સુહાના ખાન સાથે અફેરની હતી ચર્ચા

ભારતીય ક્રિકેટર રિંકુ સિંહ વિશે એક મોટા સમાચાર સામે આવી રહ્યા છે. ટીમ ઈન્ડિયાના બેટ્સમેન રિંકુ સિંહે ઉત્તર પ્રદેશના સાંસદ પ્રિયા સરોજ સાથે સગાઈ કરી લીધી હોવાના અહેવાલ છે. પ્રિયા સરોજ સમાજવાદી પાર્ટીના સંસદ સભ્ય છે.

તમને જણાવી દઈએ કે વર્ષ 2024માં ક્રિકેટર રિંકુ સિંહનું નામ શાહરૂખ ખાનની પ્રિય પુત્રી સુહાના ખાન સાથે જોડાયું હતું. શાહરૂખ ખાન પોતાની ટીમને IPL 2024 ચેમ્પિયન બનતા જોઈને ખૂબ જ ખુશ દેખાતો હતો. કિંગ ખાનની પુત્રી સુહાના ખાન પણ KKR ની ટ્રોફી જીતવાની ક્ષણનો ભાગ હતી.

આવી સ્થિતિમાં સુહાના ખાન ભાવુક થઈ ગઈ અને તેના પિતા શાહરૂખ ખાનને ગળે લગાવી, જેનો વીડિયો સોશિયલ મીડિયા પર વાયરલ થયો. તે પછી ઘણા અહેવાલોમાં દાવો કરવામાં આવ્યો હતો કે સુહાના ખાન KKR ના ડેશિંગ બેટ્સમેન રિંકુ સિંહ સાથે સંબંધમાં છે.

રિંકુસિંહે આપી હતી પ્રતિક્રિયા

વર્ષ 2024 માં જ રિંકુ સિંહ અને સુહાના ખાન વચ્ચેના સંબંધોની અફવા સામે આવી. જોકે, આ મામલે કોઈએ કોઈ સત્તાવાર નિવેદન આપ્યું નથી. વર્ષ 2024 માં જ ગુજરાત ટાઇટન્સ સામે રિંકુ સિંહની ઇનિંગ પર સુહાનાની પ્રતિક્રિયા પણ વાયરલ થઈ હતી.

પોતે સિંગલ હોવાના આપ્યા હતા સમાચાર

જ્યારે રિંકુ સિંહ અને સુહાના ખાનના સંબંધોના સમાચાર ચારે બાજુ ફેલાઈ રહ્યા હતા, ત્યારે ક્રિકેટરે એક ઇન્ટરવ્યુમાં કહ્યું હતું કે, તે સિંગલ છે અને કોઈ મહિલાને ડેટ કરી રહ્યો નથી. થોડા સમય પહેલા સચી મારવાહનું નામ રિંકુ સિંહ સાથે પણ જોડવામાં આવી રહ્યું હતું.

પ્રિયા સરોજ સાથે કરી સગાઈ

જોકે પાછળથી ખબર પડી કે સચી મારવાહ વાસ્તવિક જીવનમાં નીતિશ રાણાની પત્ની છે. આ સાથે રિંકુ સિંહ કોઈપણ સંબંધમાં હોવાના સમાચાર પર પૂર્ણવિરામ મુકાઈ ગયું. હવે રિંકુ સિંહની સમાજવાદી પાર્ટીના સાંસદ પ્રિયા સરોજ સાથે સગાઈના સમાચાર સામે આવી રહ્યા છે.

કોણ છે પ્રિયા સરોજ?

• રિંકુ સિંહની મંગેતર એટલે કે પ્રિયા સરોજે માત્ર 25 વર્ષની ઉંમરે સાંસદ બની હતી. તેણીએ મછલી શહેરથી લોકસભા ચૂંટણી જીતી હતી.
• તમને જણાવી દઈએ કે પ્રિયા સરોજ સુપ્રીમ કોર્ટમાં વકીલ પણ છે, તેમણે દિલ્હી યુનિવર્સિટીમાંથી અભ્યાસ કર્યો છે.
• પ્રિયા સરોજે ભાજપના વરિષ્ઠ નેતા બીપી સરોજને હરાવીને લોકસભામાં પ્રવેશ કર્યો.
• પ્રિયા સરોજના પિતા તૂફાની સરોજ પણ મછલી શહેર લોકસભા બેઠક પરથી ત્રણ વખત સાંસદ રહી ચૂક્યા છે.

સુહાના ખાન સાથે જોડાયુ હતુ નામ

સુપરસ્ટાર શાહરૂખ ખાનની પુત્રી સુહાના ખાનનું નામ પણ ઘણા લોકો સાથે જોડાયું છે, એક સમયે સુહાના ખાનનું નામ અહાન પાંડે સાથે જોડાયું હતું. અહાન પાંડે બોલિવૂડ અભિનેત્રી અનન્યા પાંડેનો પિતરાઈ ભાઈ છે, આ પછી, સુહાના ખાનનું નામ બોલિવૂડ મેગાસ્ટાર અમિતાભ બચ્ચનના પૌત્ર અગસ્ત્ય નંદા સાથે પણ જોડાયું.