Fastest century in ODI World Cup: સૌથી ઝડપી સદી ફટકારનારા ટોપ 10 બેટ્સમેન, જાણો ભારતના કેટલા?

Fastest century in ODI World Cup: અફઘાનિસ્તાન સામેની મેચમાં ભારતની શાનદાર જીત થઇ હતી. આ મેચમાં ભારતીય ટીમના કેપ્ટને ફક્ત 63 બોલમાં સદી ફટકારી હતી. હિટમેન ભારત તરફથી વિશ્વ કપમાં સૌથી ઝડપી સદી ફટકારનારો બેટ્સમેન બની ગયો છે. આ સાથે રોહિત શર્માએ કપિલ દેવનો 40 વર્ષ જૂનો રેકોર્ડ પણ તોડી નાખ્યો છે.

ઉલ્લેખનીય છે કે, રોહિત ODI વર્લ્ડ કપમાં સૌથી ઝડપી સદી ફટકારવાની યાદીમાં ટોપ 5માં પણ નથી. 50 ઓવરના વર્લ્ડ કપમાં સૌથી ઝડપી સદી ફટકારનાર ટોપ 10 બેટ્સમેન કોણ છે.

આદમ માર્કરામ - આ વર્લ્ડ કપમાં શ્રીલંકા સામે એડમ માર્કરામે સૌથી ઝડપી સદી ફટકારવાનો રેકોર્ડ બનાવ્યો હતો. માર્કરામે 49 બોલમાં સદી ફટકારીને કેવિન ઓ'બ્રાયનનો 12 વર્ષ જૂનો રેકોર્ડ તોડ્યો હતો.

કેવિન ઓ'બ્રાયન - ODI વર્લ્ડ કપમાં સૌથી ઝડપી સદી ફટકારવાના મામલે આયર્લેન્ડનો બેટ્સમેન કેવિન ઓ બ્રાયન બીજા સ્થાને છે. કેવિને 2011માં ઈંગ્લેન્ડ સામે 50 બોલમાં સદી ફટકારી હતી.

ગ્લેન મેક્સવેલ - ODI વર્લ્ડ કપમાં સૌથી ઝડપી સદી ફટકારવાના મામલે ગ્લેન મેક્સવેલ ત્રીજા સ્થાને છે. મેક્સવેલે 2015માં શ્રીલંકા સામે 51 બોલમાં સદી ફટકારી હતી.

એબી ડી વિલિયર્સ - 50 ઓવરના વર્લ્ડ કપમાં સૌથી ઝડપી સદી ફટકારવાના મામલે એબી ડી વિલિયર્સ ચોથા સ્થાને છે. ડી વિલિયર્સે 2015માં વેસ્ટ ઈન્ડિઝ વિરુદ્ધ 52 બોલમાં સદી ફટકારી હતી.

ઇઓન મોર્ગન - વનડે વર્લ્ડ કપમાં સૌથી ઝડપી સદી ફટકારવાના મામલે ઈયોન મોર્ગન પાંચમા સ્થાને છે. મોર્ગને 2019માં અફઘાનિસ્તાન સામે 57 બોલમાં સદી ફટકારી હતી.

રોહિત શર્મા - રોહિત શર્માએ ICC વર્લ્ડ કપ 2023માં અફઘાનિસ્તાન સામે ODI વર્લ્ડ કપની છઠ્ઠી સૌથી ઝડપી સદી ફટકારી હતી. હિટમેને 63 બોલમાં સદી ફટકારી અને આ ખાસ યાદીમાં પોતાનું નામ નોંધાવ્યું હતું.

કુશલ મેન્ડિસ - ICC વર્લ્ડ કપ 2023માં પાકિસ્તાન સામે રમતી વખતે, કુશલ મેન્ડિસે ODI વર્લ્ડ કપના ઈતિહાસમાં સાતમી સૌથી ઝડપી સદી ફટકારી હતી. મેન્ડિસે વિસ્ફોટક શૈલીમાં બેટિંગ કરી અને 65 બોલમાં સદી ફટકારી હતી.

મેથ્યુ હેડન - ICC ODI વર્લ્ડ કપમાં સૌથી ઝડપી સદી ફટકારવાના મામલે મેથ્યુ હેડન આઠમા સ્થાને છે. હેડને 2007માં દક્ષિણ આફ્રિકા સામે 66 બોલમાં સદી ફટકારી હતી.

જિમ ડેવિસન - કેનેડિયન બેટ્સમેન જિમ ડેવિસને ODI વર્લ્ડ કપમાં 9મી સૌથી ઝડપી સદી ફટકારી છે. ડેવિસને 2003માં વેસ્ટ ઈન્ડિઝ સામે 67 બોલમાં સદી ફટકારી હતી.

કુમાર સંગાકારા - ODI વર્લ્ડ કપમાં સૌથી ઝડપી સદી ફટકારવાના મામલે કુમાર સંગાકારા 10માં નંબર પર છે. સંગાકારાએ 2015માં ઈંગ્લેન્ડ સામે રમતા 70 બોલમાં સદી ફટકારી હતી.

English summary

Fastest century in ODI World Cup: Top 10 batsmen who scored the fastest century, know how many from India