Happy Birthday Rahul Dravid : આજે પણ અતુટ છે રાહુલ દ્રવિડના આ રેકોર્ડ, કોઈ નજીક પણ નથી પહોંચી શક્યુ

ભારતીય ક્રિકેટના કેટલાક સૌથી જાણીતા ચહેરાઓમાં એક અને ભારતીય ટીમના હેટ કોચ રાહુલ દ્રવિડનો આજે જન્મ દિવસ છે. 51માં જન્મ દિવસે પણ રાહુલ દ્રવિડના કેટલાક એવા રેકોર્ડ છે જે કોઈ નથી તોડી શક્યુ.

રાહુલ દ્રવિડ 11 જાન્યુઆરીએ તેમનો 51મો જન્મદિવસ ઉજવી રહ્યા છે. જ્યારથી દ્રવિડ ભારતના કોચ બન્યા છે ત્યારથી ટીમ ઈન્ડિયાએ વર્લ્ડ ટેસ્ટ ચેમ્પિયનશિપ અને ODI વર્લ્ડ કપની ફાઈનલ રમી છે.

આજે અમે તમને રાહુલ દ્રવિડના કેટલાક એવા રેકોર્ડ વિશે જણાવવા જઈ રહ્યા છીએ જેને તોડવો મુશ્કેલ છે.

ટેસ્ટ કરિયરમાં સૌથી વધુ બોલ રમવાનો રેકોર્ડ રાહુલ દ્રવિડના નામે છે. દ્રવિડે તેની કારકિર્દીમાં કુલ 31,258 બોલ રમ્યા. જો આપણે આને ઓવરમાં કન્વર્ટ કરીએ તો તે 5210 ઓવરની બરાબર છે.

ટેસ્ટ ક્રિકેટમાં સૌથી વધુ કેચ પકડનાર નોન-વિકેટ-કીપર ફિલ્ડરનો રેકોર્ડ પણ દ્રવિડના નામે છે. દ્રવિડે તેની કારકિર્દીમાં 210 કેચ પકડ્યા. મહેલા જયવર્દને 205 કેચ સાથે બીજા સ્થાને અને સ્ટીવ સ્મિથ ત્રીજા સ્થાને 173 કેચ સાથે છે.

ટેસ્ટ મેચમાં બેટિંગ કરતી વખતે સૌથી લાંબો સમય ક્રિઝ પર વિતાવવાનો રેકોર્ડ રાહુલ દ્રવિડના નામે છે. દ્રવિડે કુલ 44,152 મિનિટ ક્રિઝ પર વિતાવી છે. માસ્ટર બ્લાસ્ટર સચિન પણ તેની પાછળ છે.

ટેસ્ટ ક્રિકેટના ઈતિહાસમાં સૌથી વધુ સદીની ભાગીદારીનો રેકોર્ડ રાહુલ દ્રવિડના નામે છે. દ્રવિડે 88 વખત 100 કે તેથી વધુ ભાગીદારી કરવાનું કારનામું કર્યું છે.

English summary

Happy Birthday Rahul Dravid: This record of Rahul Dravid is unbroken even today