રેસિસ્ટ પાયલટ પર ભડક્યા હરભજન સિંહ
જેટ એરવેઝના પાયલટની શરમજનક વર્તણૂક પર ભારતીય ક્રિકેટ ટીમના બોલર હરભજન સિંહે ગુસ્સો વ્યક્ત કર્યો છે. તેમણે પાયલટને જાતિવાદી ગણાવ્યો છે.
ભારતના જાણીતા ઓફસ્પિનર હરભજન સિંહે જેટ એરવેઝ ના પાયલટ પર જાતિવાદ નો તથા ફ્લાઇટમાં યાત્રા કરી રહેલ વિકલાંગ વ્યક્તિ સાથે ગેરવર્તણૂક કરવાનો આરોપ લગાવ્યો છે. હરભજન સિંહે આ અંગે નરેન્દ્ર મોદી ને જરૂરી પગલા લેવાની અપીલ પણ કરી છે.
ઇન્ડિયન પ્રીમિટર લીગ(આઇપીએલ) 2017માં મુંબઇ ઇન્ડિયન્સ ટીમ તરફથી રમતા હરભજન સિંહે માઇક્રો બ્લોગિંગ સાઇટ ટ્વીટર પર આ ઘટના વર્ણવી છે. જેટ એરવેઝના વિદેશી પાયલટ બર્ન્ડ હોસેલિનના જાતિવાદી વર્તનનો તેમણે ટ્વીટર પર વિરોધ કર્યો છે.
હરભજને આ ઘટના અંગે કરેલા વિવિધ ટ્વીટમાં કહ્યું છે, પાયલટનું આવું વર્તન એરલાઇન્સ માટે શરમજનક વાત છે, પાયલટ વિરુદ્ધ કડક પગલાં લેવાવા જોઇએ. જો કે, તેમણે પોતાના ટ્વીટમાં એ નથી જણાવ્યું કે આ ઘટના ક્યારે અને ક્યાં બની હતી.
અહીં વાંચો - IPLના ઇતિહાસમાં સૌથી વધુ રન ફટકારનાર 10 ટીમો
તેમણે પોતાના ટ્વીટમાં લખ્યું છે, જેટ એરવેઝના બર્ન્ડ હોસેલિન નામના પાયલટે મારી સાથે યાત્રા કરી રહેલ ભારતીયને યુ બ્લડી ઇન્ડિયન, ગેટ આઉટ ઓફ માય ફ્લાઇટ, કહ્યું હતું; જ્યારે કે તે પોતે અહીં રહીને કમાણી કરી રહ્યો છે.
So called this Bernd Hoesslin a pilot with @jetairways called my fellow indian(u bloody indian get out of my flight)while he is earning here
— Harbhajan Turbanator (@harbhajan_singh) April 26, 2017
તે રેસિસ્ટ હતો એટલું જ નહીં, પરંતુ તેણે એક મહિલાનું પણ અપમાન કર્યું હતું તથા વિકલાંગ વ્યક્તિ સાથે ગેર-વર્તણૂક કરી હતી. જેટ એરવેઝ માટે આ ખૂબ શરમજનક વાત કહેવાય.
Not only was he racist but physically assaulted a lady and abused a physically challenged man..absolutely disgraceful &shame on @jetairways
— Harbhajan Turbanator (@harbhajan_singh) April 26, 2017
આવી ઘટનાઓ સામે કડક પગલાં લેવાવા જોઇએ અને આપણા દેશમાં આવી ગેર-વર્તણૂક ચલાવી લેવી ન જોઇએ. ચાલો આપણે સૌ સાથે મળી આનો ઉકેલ લાવીએ.
Strict action must b taken &such things should not be allowed or tolerated in r country.. #proudtobeindian let's get together and sort this
— Harbhajan Turbanator (@harbhajan_singh) April 26, 2017
હરભજને પોતાના અન્ય એક ટ્વીટમાં વડાપ્રધાન નરેન્દ્ર મોદીને પણ ટેગ કરી આ અંગે પગલાં લેવા વિનંતી કરી હતી.
@narendramodi sir this pilot BERND HOESSLIN working @jetairways calld my fellow indian (U BLOODY INDIAN GET OUT OF FLIGHT) pl take action
— Harbhajan Turbanator (@harbhajan_singh) April 26, 2017
હરભજન સિંહના આ ટ્વીટ પર અન્ય યૂઝર્સના રોષપૂર્ણ પ્રતિક્રિયાઓ આવી છે તથા કેટલાકે જેટ એરવેઝ સામે માંગણી કરી છે કે, આ પાયલટ પોતાના વ્યવહાર બદલ માફી માંગે.
જેટ એરવેઝે પણ હરભજનના ટ્વીટ પર પ્રતિક્રિયા આપી છે, જેટ એરવેઝે લખ્યું છે કે, આવા બનાવો માટે એરલાઇન્સ શૂન્ય સહિષ્ણુતા ધરાવે છે તથા તેમણે તપાસના આદેશ આપ્યા છે.
ક્રિકેટ પ્રેમ? સાબિત કરો. માયખેલ ક્રિકેટ ફેન્ટસી ક્રિકેટ રમો