હાર્દિક પંડ્યા અને નતાશાના ડિવોર્સ લગભગ નક્કી, જાણો કેમ?
ક્રિકેટર હાર્દિક પંડ્યા અને અને તેની પત્ની નતાશા વચ્ચે સતત વિવાદના અહેવાલો આવી રહ્યાં છે. હવે કેટલાક એવા સંકેતો મળી રહ્યાં છે કે બન્ને બહુ જલ્દી જુદા પડી શકે છે.
હાર્દિક પંડ્યા અને તેની પત્ની નતાશા સ્ટેનકોવિક વચ્ચેના સંબંધોને લઈને છેલ્લા કેટલાક સમયથી ઘણો વિવાદ ચાલી રહ્યો છે. હાર્દિક પંડ્યાના ચાહકો તેના સંબંધને લઈને ખૂબ જ ચિંતિત છે.
T20 વર્લ્ડ કપ જીત્યા બાદ તેમના સંબંધોને લઈને વધુ સવાલો ઉભા થઈ રહ્યા છે. હવે ભારત પરત આવ્યા બાદ હાર્દિક પંડ્યાએ બે કામ કર્યા છે, જેના કારણે ચાહકોએ સોશિયલ મીડિયા પર લખવાનું શરૂ કરી દીધું છે કે હવે તેમના છૂટાછેડા કન્ફર્મ થઈ ગયા છે.
T20 વર્લ્ડ કપ જીત્યા બાદ હાર્દિક પંડ્યા 4 જુલાઈએ ટીમ ઈન્ડિયા સાથે પાછો ફર્યો છે. પાછા ફર્યા બાદ તેની સોશિયલ મીડિયા પોસ્ટને લઈને ઘણી ચર્ચાઓ થઈ રહી છે.
હાર્દિક પંડ્યા મુંબઈમાં તેના ઘરે પહોંચ્યો ત્યારે તેની જીતની ઉજવણી કરવામાં આવી હતી. હાર્દિક પંડ્યાએ આ ઉજવણીની તસવીરો સોશિયલ મીડિયા પર શેર કરી છે. હાર્દિક પંડ્યાએ ઈન્સ્ટાગ્રામ પર 5મી જુલાઈની રાત્રે તેના પુત્ર સાથેની ઉજવણીની કેટલીક તસવીરો શેર કરી છે.
ફેન્સને આશા હતી કે જીત બાદ હાર્દિક પરિવાર સાથે તસવીરો શેર કરશે તો તેમાં નતાશા પણ જોવા મળશે પરંતુ એવું થયું નહીં. હાર્દિકના ઘરે પરત ફર્યા બાદ આ પહેલી ઘટના હતી જેણે તેના છૂટાછેડાના સમાચારને મજબૂતી આપી છે. ઘણા લોકોએ આ પોસ્ટની નીચે કોમેન્ટ કરીને પૂછ્યું છે કે નતાશા ક્યાં છે? આ ઘટના બાદ બન્નેના જુદા પડવાના સમાચાર વધુ મજબુત થયા છે.
જણાવી દઈએ કે, હાર્દિક પંડ્યા અને નતાશા વચ્ચે લાંબા સમયથી વિવાદના સમાચારો છે. જો કે આ વિશે બન્નેએ જાહેરમાં ક્યારેય કંઈ કહ્યું નથી.
Click it and Unblock the Notifications
Sign in with Google
