ICC T20I Rankings: હાર્દિક પંડ્યાએ હાંસલ કર્યો રેંક, વાનિંદુ હસરંગાના યુગનો અંત
ICC T20I Rankings: ટીમ ઈન્ડિયાના સ્ટાર ઓલરાઉન્ડર હાર્દિક પંડ્યાએ T20 વર્લ્ડ કપ 2024નો ખિતાબ જીત્યા બાદ મોટો ફાયદો ઉઠાવ્યો છે અને T20I રેન્કિંગમાં હાર્દિક પંડ્યાએ શ્રીલંકન ટીમના ઓલરાઉન્ડર વાનિંદુ હસરંગા પાસેથી શાસન છીનવી લીધું છે.
આ રીતે, હાર્દિક પંડ્યાએ પ્રથમ વખત ICC T20 ઓલરાઉન્ડર રેન્કિંગમાં પ્રથમ સ્થાન મેળવ્યું છે. T20 વર્લ્ડ કપ 2024માં હાર્દિકે બેટ અને બોલથી શાનદાર પ્રદર્શન કર્યું હતું.
ખરેખર, T20 વર્લ્ડ કપ 2024માં હાર્દિક પંડ્યાએ બેટથી 144 રન બનાવ્યા હતા. આ સમયગાળા દરમિયાન, તેનો સ્ટ્રાઈક રેટ 150 હતો અને તેણે આખી ટુર્નામેન્ટમાં બોલ સાથે 11 વિકેટ ઝડપી હતી.
ભારત-દક્ષિણ આફ્રિકાની ફાઈનલ મેચમાં હાર્દિક પંડ્યાએ હેનરિક ક્લાસેનની વિકેટ લીધી અને મેચ ભારતની તરફેણમાં ગઈ હતી. હાર્દિક પંડ્યાએ ફાઈનલ મેચની છેલ્લી ઓવરમાં 2 વિકેટ ઝડપી હતી, અને ભારતને આ જીત અપાવવામાં મહત્વનું યોગદાન આપ્યું હતું.
ભારતે T20 વર્લ્ડ કપ જીત્યા બાદ હાર્દિક પંડ્યાને ICC તરફથી એક ખાસ ભેટ મળી છે. ICC T20I ઓલરાઉન્ડર રેન્કિંગમાં હાર્દિક પંડ્યાએ પ્રથમ સ્થાન મેળવ્યું છે.
તેણે શ્રીલંકાના વાનિન્દુ હસરંગા પાસેથી નંબર-1 ટેગ છીનવી લીધો હતો. આ સિવાય માર્કસ સ્ટોઇનિસ, સિકંદર રઝા, શાકિબ અલ હસન અને લિયામ લિવિંગ્સ્ટનને T20I ઓલરાઉન્ડર રેન્કિંગમાં એક-એક સ્થાનનો ફાયદો થયો છે.
આવા સમયે, T20I મેન્સ બોલિંગ રેન્કિંગમાં, એનરિક નોરખિયાએ 7 સ્થાનની છલાંગ લગાવી અને બીજું સ્થાન મેળવ્યું હતું. બોલિંગ રેન્કિંગમાં આદિલ રાશિદ 718 રેટિંગ પોઈન્ટ સાથે ટોપ પર છે.
T20 વર્લ્ડ કપ 2024 બાદ પ્લેયર ઓફ ધ ટૂર્નામેન્ટનો એવોર્ડ મેળવનાર ભારતીય ટીમના ફાસ્ટ બોલર જસપ્રીત બુમરાહ 12 સ્થાનની છલાંગ લગાવી છે. બુમરાહે આખી ટૂર્નામેન્ટમાં કુલ 15 વિકેટ લીધી હતી.
Click it and Unblock the Notifications
Sign in with Google
