IND vs ENG : નાની ઉમરમાં યશસ્વી જયસ્વાલની મોટી ધમાલ, સદી સાથે મોટી ઉપલબ્ધી પોતાના નામે કરી

ભારત અને ઈંગ્લેન્ડ રમાઈ રહેલી ટેસ્ટ સિરીઝની બીજી ટેસ્ટમાં યશસ્વી જયસ્વાલ ફરી એક વખત સ્ટાર બનીને સામે આવ્યો છે. શાનદાર સદી સાથે તેણે મોટી ઉપલબ્ધી પોતાના નામે કરી છે.

વિશાખાપટ્ટનમમાં રમાઈ રહેલી બીજી ટેસ્ટના પ્રથમ દિવસે યશસ્વી જયસ્વાલે તેની બીજી સદી અને હોમ ગ્રાઉન્ડ પર તેની પ્રથમ સદી પૂરી કરી છે. યશસ્વીએ 151 બોલમાં પોતાની શાનદાર સદી પૂરી કરી.

હૈદરાબાદ ટેસ્ટની પ્રથમ ઇનિંગમાં યશસ્વી જયસ્વાલ સહિત ત્રણ ભારતીય બેટ્સમેનોએ 50 રનનો આંકડો પાર કર્યો હતો પરંતુ કોઈ સદી ફટકારી શક્યું ન હતું. ભારતને શ્રેણીની શરૂઆતની મેચમાં ઈંગ્લેન્ડ સામે હારનો સામનો કરવો પડ્યો હતો.

યશસ્વી જયસ્વાલે વિશાખાપટ્ટનમમાં પોતાની બેટિંગ ક્ષમતાનું પ્રદર્શન કર્યું છે. જયસ્વાલ વિઝાગમાં ભારતીય ઈનિંગની શરૂઆતમાં એટલો આક્રમક નહોતો જેટલો તે હૈદરાબાદમાં હતો.

રોહિત શર્માએ ટોસ જીતીને પ્રથમ બેટિંગ કરવાનું પસંદ કર્યા પછી બંને ભારતીય ઓપનરોએ ઇંગ્લેન્ડના ન્યુ બોલ એટેકને કાબૂ કરવા થોડો સમય લીધો.

યશસ્વી જયસ્વાલ 15મો ભારતીય ઓપનિંગ બેટ્સમેન બન્યો અને 2021માં રોહિત શર્મા પછી ઘરની ધરતી પર ઈંગ્લેન્ડ સામે સદી ફટકારનાર પ્રથમ ખેલાડી બન્યો છે. યશસ્વી આ સિદ્ધિ હાંસલ કરવા માટે બેટ્સમેનોની ચુનંદા યાદીમાં જોડાય છે, જેમાં સુનીલ ગાવસ્કર, વિરેન્દ્ર સેહવાગ, ગૌતમ ગંભીર અને મુરલી વિજયનો સમાવેશ થાય છે.

યશવીએ ગયા વર્ષે વેસ્ટ ઈન્ડિઝમાં તેની પ્રથમ ટેસ્ટ સદી ફટકારી હતી અને શુક્રવારે તેની ઘરઆંગણે ટેસ્ટ સદીની રાહનો અંત આવ્યો છે.

English summary

IND vs ENG: Yashaswi Jaiswal's big bang at a young age, makes a big achievement with a century