IND vs PAK: T20 વર્લ્ડ કપમાં ભારત-પાકિસ્તાનના યાદગાર મુકાબલા, મળી રોમાંચક જીત
IND vs PAK, T20 World Cup 2026: ક્રિકેટ જગતના સૌથી મોટા હરીફ ભારત અને પાકિસ્તાન આજે એકવાર ફરી ICC મેન્સ T20 વર્લ્ડ કપ 2026ના ગ્રુપ સ્ટેજમાં સામસામે છે. વર્તમાન ચેમ્પિયન ભારતે આ ટૂર્નામેન્ટમાં અત્યાર સુધી શાનદાર પ્રદર્શન કર્યું છે. યુએસએ અને નામિબિયાને હરાવીને ટીમ ઈન્ડિયાનો આત્મવિશ્વાસ સાતમા આસમાને છે, જ્યારે પાકિસ્તાન માટે આ મેચ ટૂર્નામેન્ટમાં પોતાની સ્થિતિ મજબૂત કરવાની મોટી તક છે.
ભારતનું પલ્લું રહ્યું છે ભારે
જો બંને દેશો વચ્ચેના T20 આંતરરાષ્ટ્રીય મેચોના ઈતિહાસ પર નજર કરીએ તો ભારતનું પલ્લું ભારે રહ્યું છે. અત્યાર સુધી રમાયેલી કુલ 16 મેચોમાંથી ભારતે 12માં જીત મેળવી છે, જ્યારે પાકિસ્તાનને માત્ર 3 મેચમાં સફળતા મળી છે અને એક મેચ ટાઈ રહી હતી. ખાસ કરીને T20 વર્લ્ડ કપના મંચ પર ભારતનો રેકોર્ડ અવિશ્વસનીય રહ્યો છે. છેલ્લા આઠ મુકાબલાઓમાંથી ભારતે સાત વખત પાકિસ્તાનને ધૂળ ચટાડી છે. પાકિસ્તાનની એકમાત્ર જીત 2021ના વર્લ્ડ કપમાં આવી હતી, પરંતુ ત્યારથી ભારતીય ટીમે દરેક વખતે પલટવાર કર્યો છે.
યાદગાર મુકાબલા જ્યારે શ્વાસ થંભી ગયા હતા
- વર્ષ 2007: ફાઈનલ મેચમાં ભારતે 5 રનથી જીત મેળવી પ્રથમ T20 વર્લ્ડ કપ પોતાના નામે કર્યો હતો. આ મેચ છેલ્લી ઓવર સુધી ગઈ હતી અને અત્યંત રોમાંચક રીતે પૂરી થઈ હતી.
- વર્ષ 2022: મેલબોર્નમાં વિરાટ કોહલીની એ ઐતિહાસિક ઈનિંગને કોણ ભૂલી શકે છે, જેણે હારેલી મેચને જીતમાં ફેરવી દીધી હતી.
- વર્ષ 2024: ન્યૂયોર્કમાં ભારતે માત્ર 119 રનનો સફળતાપૂર્વક બચાવ કરીને પાકિસ્તાનને 6 રનથી પરાજય આપ્યો હતો.
આજે ફરી ફેન્સને મળશે રોમાંચની મજા
આજની મેચનું વેન્યુ શ્રીલંકાનું આર. પ્રેમદાસા સ્ટેડિયમ છે. કોલંબોના હવામાનને લઈને ક્રિકેટ પ્રેમીઓમાં થોડી ચિંતા ચોક્કસ છે, કારણ કે અહીં વરસાદની શક્યતા રહેલી છે. વર્તમાન વેધર અપડેટ્સ મુજબ, વાદળછાયું વાતાવરણ છે અને ટોસ સમયે વરસાદ રમતમા ખલેલ પહોંચાડી શકે છે.
ભારત આજે પોતાની લય જાળવી રાખવા માંગશે. સૂર્યકુમાર યાદવની કેપ્ટનશીપ અને વરુણ ચક્રવર્તીની સ્પિન પાકિસ્તાનના બેટિંગ ક્રમ માટે મોટો પડકાર સાબિત થઈ શકે છે. બીજી તરફ, પાકિસ્તાન માટે પોતાની જૂની ભૂલોમાંથી શીખીને વર્લ્ડ કપના આ મોટા મંચ પર વાપસી કરવી અનિવાર્ય છે.
Click it and Unblock the Notifications
Sign in with Google
