IND vs SA : રોહિત-ગંભીર વચ્ચે ડ્રેસિંગ રૂમના બોલાચાલી થઈ? ફોટો વાયરલ
IND vs SA : ભારતીય ક્રિકેટ ટીમના ડ્રેસિંગ રૂમમાંથી એક એવો ફોટો વાયરલ થયો છે, જેણે સોશિયલ મીડિયા પર મોટો વિવાદ ઊભો કર્યો છે.
દક્ષિણ આફ્રિકા સામેની વનડે શ્રેણીના પ્રથમ મુકાબલા દરમિયાન રોહિત શર્મા અને ટીમના કોચ ગૌતમ ગંભીર વચ્ચેની વાતચીતનો આ ફોટો છે, જેને લઈને ચાહકોમાં અટકળો લગાવાઈ રહી છે.
રાંચીમાં રમાયેલા દક્ષિણ આફ્રિકા સામેના રોમાંચક વનડે મુકાબલામાં ભારતીય ટીમે શાનદાર જીત મેળવી હતી. આ મેચમાં રોહિત શર્માનું બેટ પણ ચાલ્યું અને વિરાટ કોહલીએ સદી ફટકારીને ટીમને મજબૂત સ્કોર સુધી પહોંચાડી હતી. આ જીત બાદ સોશિયલ મીડિયા પર કોચ ગૌતમ ગંભીરને ટ્રોલ કરવાનું શરૂ થયું અને ત્યાં જ ડ્રેસિંગ રૂમની એક તસવીર વાયરલ થઈ છે.
વાયરલ થયેલા ફોટામાં રોહિત શર્મા અને ગૌતમ ગંભીર કોઈક ગંભીર મુદ્દા પર ચર્ચા કરી રહ્યા હોય તેવું લાગી રહ્યું છે. ફોટાના હાવભાવ પરથી સ્પષ્ટ જણાય છે કે રોહિત શર્મા હાથના ઇશારાથી જોશભેર પોતાની વાત સમજાવવાનો પ્રયાસ કરી રહ્યા છે.
આ તસવીર જોયા બાદ ક્રિકેટ ચાહકોએ તરત જ કમેન્ટ કરવાનું શરૂ કરી દીધું છે. ઘણા ફેન્સ તો ત્યાં સુધી કહી રહ્યા છે કે રોહિત શર્માએ કોચ ગંભીરને મેદાન પરના પ્રદર્શન કે રણનીતિને લઈને ઝૂડી નાખ્યા.
જો કે, આ માત્ર સોશિયલ મીડિયા પર ચાલી રહેલી અટકળો અને ચર્ચાઓ છે. આ ફોટા પાછળની વાસ્તવિકતા શું છે, તેની કોઈ સત્તાવાર પુષ્ટિ થઈ નથી. બન્ને દિગ્ગજ ખેલાડીઓ ડ્રેસિંગ રૂમમાં કોઈ સામાન્ય રણનીતિ અથવા આગામી મેચ વિશે ચર્ચા કરી રહ્યા હોય તેવું પણ બની શકે છે.
Gautam Gambhir after realising he’s nothing without Rohit Sharma.😂🔥 pic.twitter.com/3QEJnFH0BS
— Rohan💫 (@rohann__45) November 30, 2025
નોંધનીય છે કે, ભૂતકાળમાં પણ ગૌતમ ગંભીર અને ટીમના અન્ય સિનિયર ખેલાડીઓ ખાસ કરીને રોહિત શર્મા અને વિરાટ કોહલી વચ્ચેના સંબંધોમાં ખટાશ હોવાના અહેવાલો સામે આવતા રહ્યા છે.
કેટલાક નિષ્ણાતોનો દાવો છે કે બંને દિગ્ગજ બેટ્સમેનોના ટેસ્ટ ક્રિકેટમાંથી નિવૃત્તિ લીધા બાદ પણ ટીમમાં ઘણી વસ્તુઓ બરાબર નથી ચાલી રહી.
હાલમાં દક્ષિણ આફ્રિકા સીરીઝ પૂરી થયા બાદ BCCI રોહિત અને કોહલીના વનડે કરિયરને લઈને પણ મહત્વની બેઠક યોજવાની તૈયારી કરી રહ્યું છે.
Click it and Unblock the Notifications
Sign in with Google
