IND vs USA, T20 World Cup: ભારતે USAને 29 રનથી હરાવ્યું, સૂર્યકુમારની ધમાકેદાર અડધી સદી
IND vs USA, T20 World Cup: ભારતે શનિવાર, 7 ફેબ્રુઆરી 2026ના રોજ ICC ટી-20 વર્લ્ડ કપ 2026ના પોતાના પ્રારંભિક મુકાબલામાં સંયુક્ત રાજ્ય અમેરિકા (USA) ને હરાવી ટૂર્નામેન્ટમાં દમદાર શરૂઆત કરી છે. વાનખેડે સ્ટેડિયમમાં રમાયેલા આ મેચમાં, ભારતે આપેલા 162 રનના લક્ષ્યનો પીછો કરતાં અમેરિકી ટીમ ભારતીય બોલિંગ સામે ટકી ન શકી અને 29 રનથી હારી ગઈ.
આ પહેલા, ટોસ ગુમાવીને પ્રથમ બેટિંગ કરતા ભારતે 20 ઓવરમાં 161 રનનો પડકારજનક સ્કોર બનાવ્યો હતો. કેપ્ટન સૂર્યકુમાર યાદવે અણનમ 84 રનની શાનદાર ઇનિંગ્સ રમીને ટીમને મજબૂત પ્લેટફોર્મ પૂરું પાડ્યું હતું.
162 રનના લક્ષ્યનો બચાવ કરવા ઉતરેલી ભારતીય ટીમને મોહમ્મદ સિરાજ અને અર્શદીપ સિંહે સ્વપ્નિલ શરૂઆત અપાવી. સિરાજે શરૂઆતી સ્પેલમાં જ એન્ડ્રીસ ગૌસ (6) અને સાઇતેજા મુક્કામલ્લા (2) ને આઉટ કર્યા. બીજી તરફ, અર્શદીપ સિંહે સુકાની મોનાન્ક પટેલની મહત્વપૂર્ણ વિકેટ ઝડપી. 11 રનમાં બે વિકેટ ગુમાવતા અમેરિકા દબાણમાં આવી ગયું.
મેચના મધ્ય ઓવરોમાં, મિલિંદ કુમારે 34 રનની સંઘર્ષપૂર્ણ ઇનિંગ્સ રમીને અમેરિકાની લડતને જીવંત રાખવાનો પ્રયાસ કર્યો. પરંતુ તેમની વિકેટ પડતાં જ ઇનિંગ્સ ફરી લથડી. 16મી ઓવરમાં સ્પિનર અક્ષર પટેલે સંજય કૃષ્ણમૂર્તિને અને હરમીત સિંહને આઉટ કરીને મેચનો પલટો ભારત તરફ ફેરવી દીધો.
અર્શદીપ સિંહે મોહમ્મદ મોહસીન (8) ને તિલક વર્માના હાથે ઝીલાવીને પોતાની બીજી વિકેટ મેળવી. ભારતીય બોલરોની સચોટ લાઇન-લેન્થ અને ચુસ્ત ફિલ્ડિંગને લીધે અમેરિકી બેટ્સમેનો રન માટે સંઘર્ષ કરતા રહ્યા. જસપ્રીત બુમરાહની ગેરહાજરીમાં મોહમ્મદ સિરાજે મુખ્ય બોલરની ભૂમિકા શ્રેષ્ઠ રીતે નિભાવી, જેને અક્ષર પટેલ અને અર્શદીપ સિંહે અસરકારક સાથ આપ્યો.
ભારતની પ્લેઈંગ ઈલેવનમાં ઈશાન કિશન (વિકેટકીપર), અભિષેક શર્મા, તિલક વર્મા, સૂર્યકુમાર યાદવ (કેપ્ટન), રિંકુ સિંહ, હાર્દિક પંડ્યા, શિવમ દુબે, અક્ષર પટેલ, વરુણ ચક્રવર્તી, અર્શદીપ સિંહ અને મોહમ્મદ સિરાજનો સમાવેશ થતો હતો.
યુએસએની ટીમમાં સાઇતેજા મુક્કામલ્લા, એન્ડ્રીસ ગૌસ (વિકેટકીપર), મોનાન્ક પટેલ (કેપ્ટન), મિલિંદ કુમાર, સંજય કૃષ્ણમૂર્તિ, હરમીત સિંહ, શુભમ રંજને, મોહમ્મદ મોહસીન, શેડલી વાન શાલ્કવિક, સૌરભ નેત્રવલકર અને અલી ખાન સામેલ હતા.
Click it and Unblock the Notifications
Sign in with Google
