IPL 2020: ઈતિહાસ રચીને પણ ટૉપ પર ના પહોંચી શક્યું રાજસ્થાન, જાણો પોઈન્ટ ટેબલની ડિટેલ

ઈન્ડિયન પ્રીમિયર લીગ 2020માં 9 મેચ રમાઈ ચૂક્યા છે. પોઈન્ટ ટેબલમાં હવે દરરોજ બદલાવ દેખાવા લાગ્યા છે. રવિવારે એટલે કે 27 સપ્ટેમ્બરે રમાયેલ નવમા મેચમાં રનનો વરસાત થયો. રાજસ્થાન રોયલ્સે આ મેચમાં માત્ર કિંગ્સ ઈલેવન પંજાબ સામે જીત હાંસલ જ નથી કરી બલકે આઈપીએલ ઈતિહાસમાં સૌથી વડો લક્ષ્ય હાંસલ કરવાનો રેકોર્ડ પણ પોતાના નામે કરી લીધો છે.

જો કે આટલી મોટી જીત હાંસલ કર્યા બાદ પણ પોઈન્ટ ટેબલમાં ટૉપ પર પહોંચતા ચૂકી ગયું છે. દિલ્હી કેપિટલ્સ હજી ટૉપ પર છે. તેના 2 મેચમાં 4 પોઈન્ટ છે. રાજસ્થાન રોયલ્સના પણ 2 મેચમાં 4 પોઈન્ટ છે. પરંતુ નેટ રનરેટના આધારે તે બીજા નંબર પર છે. કિંગ્સ ઈલેવન પંજાબે 3 મેચમાં માત્ર એક જ જીત હાંસલ કરી છે, પરંતુ નેટ રનરેટ સારી હોવાના કારણે ત્રીજા નંબર પર છે. બીજી તરફ ડેવિડ વોર્નરની ટીમ સનરાઈઝર્સ હૈદરાબાદ પોઈન્ટ ટેબલમાં હજી સુધી ખાતું નથી ખોલી શકી. તે બંને મેચમાં હારના એકમાત્ર ટીમ છે.

ઓરેન્જ કેપ કિંગ્સ ઈલેવન પંજાબના કેએલ રાહુલ પાસે છે. તેમણે 3 મેચમાં 222 રન બનાવ્યા છે. બીજા નંબર પર તેમની જ ટીમના મયંક અગ્રવાલ છે. બંને વચ્ચે ઓરેન્જ કેપને લઈ કાંટાની ટક્કર ચાલી રહી છે. મયંકના 3 મેચમાં 221 રન છે. પર્પલ કેપ પણ કિંગ્સ ઈલેવન પંજાબના બોલર પાસે જ છે. જી હાં, પર્પલ કેપ પર મોહમ્મદ શમીનો કબ્જો છે. શમીએ અત્યાર સુધીમાં 3 મેચમાં 7 વિકેટ ખેરવી છે. જ્યારે બીજા નંબરે દિલ્હી કેપિટલ્સના કગિસો રબાડા છે. રબાડાએ 2 મેચમાં 5 વિકેટ ચટકાવી છે.

English summary

IPL 2020: Rajasthan could not reach the top in point table even after making history