IPL 2023 GT vs MI: ગુજરાતના બેટ્સમેનોએ કરી કમાલ, મુંબઇને આપ્યુ 208 રનનુ લક્ષ્ય
IPLની 35મી મેચમાં આજે ડિફેન્ડિંગ ચેમ્પિયન ગુજરાત ટાઇટન્સ મુંબઈ ઈન્ડિયન્સ સામે ટકરાશે. મુંબઈ ઈન્ડિયન્સના કેપ્ટન રોહિત શર્માએ ટોસ જીતીને પ્રથમ બોલિંગ કરવાનું પસંદ કર્યું હતુ. ગુજરાત ટાઇટન્સે પ્રથમ બેટિંગ કરતા 20 ઓવરમાં 6 વિકેટ ગુમાવી 207 રન બનાવ્યા હતા.
અમદાવાદના નરેન્દ્ર મોદી સ્ટેડિયમમાં બંને ટીમો વચ્ચે રસપ્રદ મુકાબલો થઈ રહ્યો છે. ગુજરાતે રનનો પહાડ ખડક્યો છે. રિદ્ધીમાન સાહાએ શરૂઆત માજ વિકેટ ગુમાવી દીધી હતી. જે બાદ શુભમન ગિલે 34 બોલમાં 56 રન બનાવ્યા હતા. આ ઉપરાંત અભિનવ મનોહરે 21 બોલમાં 42 રન બનાવ્યા હતા. ડેવિડ મિલરે 22 બોલમાં 46 રનની તોફાની ઇનિંગ રમી હતી.
આ સાથે મુંબઇના બોલર પિયુષ ચાવલાએ 2 મહત્વની વિકેટ ઝડપી હતી. સુર્યકુમાર યાદવે 3 કેચ કર્યા હતા.
હાર્દિક પંડ્યાની આગેવાની હેઠળની GT હાલમાં છ મેચમાંથી ચાર જીત અને બે હાર સાથે સ્ટેન્ડિંગમાં ચોથા સ્થાને છે, જ્યારે MI છ મેચમાંથી ત્રણ જીત અને છ પોઈન્ટ સાથે સાતમા સ્થાને છે.
વાસ્તવમાં 16મી સિઝનમાં મુંબઈ ઈન્ડિયન્સની શરૂઆત ખરાબ રહી હતી, પરંતુ ત્યાર બાદ ટીમે સતત જીતની હેટ્રિક લગાવી હતી, જોકે રોહિત શર્માની કેપ્ટન્સીમાં મુંબઈને ગત મેચમાં પંજાબ સામે 13 રને હારનો સામનો કરવો પડ્યો હતો.
PBKS સામે મુંબઈના બોલરોએ છેલ્લી પાંચ ઓવરમાં રન લૂંટાવ્યા હતા. આ ઓવરોમાં કુલ 96 રન આપ્યા, જેના કારણે પંજાબ આઠ વિકેટે 214 રન બનાવી શક્યું હતુ.
ગુજરાત ટાઇટન્સે તેની અગાઉની મેચમાં લખનૌ (LSG)ને સાત વિકેટે હરાવ્યું હતું. આજની મેચમાં સ્પિન બોલર રાશિદ ખાનની બોલિંગ ટીમ માટે ઘણી મહત્વની સાબિત થઈ શકે છે, તો બીજી તરફ મુંબઈનો અનુભવી સ્પિન બોલર પીયૂષ ચાવલા શાનદાર પ્રદર્શન કરી રહ્યો છે.
Click it and Unblock the Notifications
Sign in with Google
