IPL 2023 KKR vs LSG: નિકોલસ પુરણની ફિફ્ટી, લખનૌએ બનાવ્યા 176 રન

આજે IPLમાં બીજી મેચ કોલકાતા નાઈટ રાઈડર્સ અને લખનૌ સુપરજાયન્ટ્સ વચ્ચે રમાવા જઇ રહી છે. કોલકાતાએ ટોસ જીતી પ્રથમ બોલિંગ કરવાનો નિર્ણય લીધો હતો. લખનૌ પ્રથમ બેટિંગ કરતા 20 ઓવરમાં 8 વિકેટ ગુમાવી 176 રન બનાવ્યા હતા. કોલકાતાએ જીતવા માટે 177 રન બનાવવાના રહેશે.

લખનૌના ઓપનર બેટ્સમેન કરણ શર્મા 3 રન બનાવીને જ આઉટ થઇ ગયા હતા. ક્વિંટન ડી કોકે 28 રન બનાવ્યા હતા. પ્રેરક માંકડ પણ 26 રન બનાવીને આઉટ થઇ ગયો હતો. સ્ટોઇનિસ અને કૃણાલ પંડ્યાના આઉટ થયા બાદ બદોની અને પુરને બાજી સંભાળી હતી.

આયુષ બદોણીએ 21 બોલમાં 25 રન તથા નિકોલસ પુરને 30 બોલમાં 58 રનની તોફાની ઇનિંગ રમી હતી. જે બાદ કે ગૌથમ 11 રન તથા રવિ બિશ્નોઇ અને નવીન ઉલ હકે 2-2 રન બનાવ્યા હતા.

બોલિંગની વાત કરીયે તો વૈભવ અરોરા-શાર્દુલ ઠાકુર અને સુનિલ નારાયણને 2-2 વિકેટ મળી હતી. આ ઉપરાંત હર્ષિત રાણા અને વરૂણ ચક્રવર્તીએ 1-1 વિકેટ ઝડપી હતી.

કોલકાતાની ટીમ લગભગ પ્લેઓફમાંથી બહાર થઈ ગઈ છે, પરંતુ તેની છેલ્લી મેચ મોટા માર્જિનથી જીતીને પ્લેઓફની બાકીની આશા જીવંત રાખવા ઈચ્છશે. તે જ સમયે, લખનૌની ટીમ આ મેચ જીતીને પ્લેઓફમાં સ્થાન નિશ્ચિત કરવા માંગશે.

લખનૌની ટીમે 13માંથી સાત મેચ જીતી છે અને એક મેચ વરસાદને કારણે રદ્દ કરવામાં આવી હતી. લખનૌ પોઈન્ટ ટેબલમાં 15 પોઈન્ટ સાથે ત્રીજા સ્થાને છે. આ મેચ જીતીને લખનૌની ટીમ પણ પ્લેઓફમાં પોતાનું સ્થાન નિશ્ચિત કરવા માંગશે. તે જ સમયે, હારવા પર, આ ટીમ પ્રાર્થના કરશે કે મુંબઈ અથવા આરસીબી તેમની છેલ્લી મેચ હારી જાય.

English summary

IPL 2023 KKR vs LSG: Nicholas Puran's fifty, Lucknow score 176