PBKS vs RCB: મોહાલીમાં પંજાબ-આરસીબીની મેચમાં વરસાદ થશે? જાણો પિચ રિપોર્ટ અને મોસમના હાલ
PBKS vs RCB Pitch and Weather Update: આજે IPLમાં ડબલ હેડરની પ્રથમ મેચ પંજાબ કિંગ્સ અને RCB વચ્ચે રમાશે. આ મેચ પંજાબના મોહાલીમાં રમાશે. હોમ ગ્રાઉન્ડ હોવાના કારણે આજે પંજાબ કિંગ્સનુ પલ્લુ ભારે ગણી શકાય.
પંજાબની ટીમે આ સિઝનમાં અત્યાર સુધી શાનદાર રમત બતાવી છે. આરસીબીની ટીમ આ સિઝનમાં અત્યાર સુધી માત્ર બે મેચ જીતી શકી છે. આરસીબી ત્રીજી જીતની શોધમાં રહેશે. પંજાબ આ સિઝનમાં તેની ચોથી જીત મેળવવા માંગે છે અને મેચ ઘરઆંગણે છે માટે તે વધુ ઉત્સાહ સાથે મેદાનમાં ઉતરવા માટે તૈયાર છે.
RCB ટીમમાં કેપ્ટન ફાફ ડુ પ્લેસિસ અને વિરાટ કોહલીએ શાનદાર ફોર્મ બતાવ્યુ છે. ગ્લેન મેક્સવેલે પણ છેલ્લી મેચમાં ફરીથી ફોર્મ મેળવ્યુ હતુ. આ ત્રણેયના બેટથી પંજાબ કિંગ્સના બોલરોને ચોક્કસ મુશ્કેલીઓનો સામનો કરવો પડશે. તેમાં કોઈ શંકા ન હોવી જોઈએ.
શિખર ધવને પંજાબ કિંગ્સ માટે સતત રન બનાવ્યા છે. પ્રભાસિમરન પણ એક સક્ષમ ખેલાડી છે. ધવન પાસેથી પણ રન આવવાની આશા રાખી શકાય છે. બોલિંગમાં પંજાબ પાસે અર્શદીપ સિંહ, રાહુલ ચહર વગેરે છે. આરસીબી પાસે હર્ષલ પટેલ, મોહમ્મદ સિરાજ જેવા શાનદાર ખેલાડીઓ છે.
મોહાલી સ્ટેડિયમની પીચની વાત કરીએ તો તે બેટ્સમેનોને ચોક્કસપણે મદદ કરશે. આ પીચ પર પેસ અને બાઉન્સ બંને છે. બોલ બેટ પર ઝડપથી આવે છે. બેટ્સમેન પણ ઇચ્છે છે કે બોલ સીધો બેટ પર પડે. સ્પિનર લાઇન અને લેન્થ સચોટ રાખીને બેટ્સમેનોને મુશ્કેલીમાં મૂકી શકે છે. પહેલા રમીને 200નો સ્કોર બનાવવો જોઈએ.
મોહાલીમાં ગુરુવારે બપોરે આકાશ વાદળછાયુ રહી શકે છે. વરસાદ પણ પડી શકે છે. તેજ પવનની પણ શક્યતા છે. આ સિવાય જો તાપમાનની વાત કરીએ તો તે 17 ડિગ્રીથી 31 ડિગ્રી સેલ્સિયસ વચ્ચે રહી શકે છે. વધારે ભેજ રહેશે નહીં. જે રાહતની વાત બની શકે છે.
Click it and Unblock the Notifications
Sign in with Google
