IPL 2023 RR vs LSG: સારી શરૂઆત બાદ રાજસ્થાનનો ધબડકો, લખનૌની જીત

રાજસ્થાન રોયલ્સના કેપ્ટન સંજુ સેમસને લખનૌ સામે ટોસ જીતીને પ્રથમ બોલિંગ કરવાનો નિર્ણય લીધો હતો. આ મેચમાં પ્રથમ બેટિંગ કરીને લખનૌ રાજસ્થાન સામે 154 રનનો સ્કોર બનાવ્યો હતો. આ ટાર્ગેટને ચેઝ કરતા રાજસ્થાને 20 ઓવરમાં 7 વિકેટ ગુમાવી 144 રન જ બનાવ્યા હતા. આ સાથે લખનૌની જીત થઇ હતી.

આ સિઝનમાં હોમ ગ્રાઉન્ડ પર રમાયેલી પ્રથમ મેચમાં રાજસ્થાન રોયલ્સને હારનો સામનો કરવો પડ્યો હતો. રોયલ્સ લખનૌ સુપર જાયન્ટ્સ સામે 155 રનના લક્ષ્યાંકનો પીછો કરવામાં નિષ્ફળ રહી હતી. લખનૌએ આ સિઝનમાં ચોથી જીત નોંધાવી હતી.

ટોસ હાર્યા બાદ પ્રથમ બેટિંગ કરતા લખનૌ સુપર જાયન્ટ્સે શાનદાર શરૂઆત કરી હતી. લખનૌ તરફથી ઓપનર બેટ્સમેન કેએલ રાહુલ અને કાયલ મેયર્સે 82 રન જોડ્યા હતા. આ દરમિયાન કેએલ રાહુલે 32 બોલનો સામનો કરીને 39 રન બનાવ્યા હતા.

કેએલ રાહુલના આઉટ થયા બાદ આયુષ બદોની અને દીપક હુડ્ડા ઝડપથી પેવેલિયન પરત ફર્યા હતા. બદોનીએ 1 રન બનાવ્યો હતો. દીપક હુડ્ડાના બેટમાંથી 2 રન આવ્યા હતા. આ દરમિયાન કાયલ મેયર્સ ક્રિઝ પર ઉભો હતો. તેના બેટમાંથી રન પણ આવ્યા હતા. મેયર્સ 42 બોલમાં 51 રનની ઇનિંગ રમીને આઉટ થયો હતો.

લખનૌના અન્ય બેટ્સમેનો ઝડપથી રન બનાવવામાં નિષ્ફળ રહ્યા હતા. માર્કસ સ્ટોઇનિસે 21 અને નિકોલસ પૂરને 28 રન બનાવ્યા હતા. જોકે, આ બંને ખેલાડીઓ ટીમને મોટા સ્કોર તરફ લઈ જઈ શક્યા ન હતા. લખનૌની ટીમ માત્ર 7 વિકેટે 154 રન બનાવી શકી હતી. રોયલ્સ તરફથી રવિચંદ્રન અશ્વિને સૌથી વધુ 2 વિકેટ લીધી હતી.

રાજસ્થાનના ઓપનર જોસ બટલર અને યશસ્વી જયસ્વાલે ધમાકેદાર રમતનું પ્રદર્શન કર્યું હતું. બંનેએ લખનઉના બોલરોને માર માર્યો હતો. બંનેએ પ્રથમ વિકેટ માટે 87 રનની ભાગીદારી કરી હતી. જયસ્વાલ 34 બોલમાં 44 રન બનાવીને માર્કસ સ્ટોઈનિસનો શિકાર બન્યો હતો.

કેપ્ટન સંજુ સેમસન લાંબો સમય ટકી શક્યો ન હતો અને તે આવતાની સાથે જ પેવેલિયન પરત ફર્યો હતો. તે 2 રનના અંગત સ્કોર પર રનઆઉટ થયો હતો. તેના પછી દેવદત્ત પડિકલે રન બનાવ્યા પરંતુ તેણે છેલ્લી ઓવરમાં 21 બોલમાં 26 રન બનાવ્યા.

રોયલ્સને જીતવા માટે છેલ્લા ત્રણ બોલમાં 14 રનની જરૂર હતી. ધ્રુવ જુરેલ ખાતું ખોલાવ્યા વિના ચાલતો રહ્યો. અંતે રાજસ્થાન રોયલ્સે 20 ઓવરમાં 6 વિકેટે 144 રન બનાવ્યા હતા. લખનૌએ સિઝનની ચોથી જીત નોંધાવી.

English summary

IPL 2023 RR vs LSG: Rajasthan beats after good start, Lucknow wins