IPL 2023 SRH vs MI: કોણ જીતશે મુંબઇ-હૈદરાબાદ વચ્ચેની હાઇ વોલ્ટેજ મેચ? જાણો પ્લેઇંગ 11
IPLમાં આજે મુંબઈ ઈન્ડિયન્સ અને સનરાઈઝર્સ હૈદરાબાદ વચ્ચે મેચ રમાશે. રાજીવ ગાંધી ઈન્ટરનેશનલ સ્ટેડિયમમાં બંને ટીમો જીતની હેટ્રિક ફટકારવાની આશા સાથે મેદાનમાં જોવા મળશે. MI અને SRH પોતાની છેલ્લી બે મેચ જીતીને મેદાનમાં આવી રહ્યા છે, બંને ટીમો અત્યારે મજબૂત સ્થિતિમાં છે, તેથી આજની મેચ ખૂબ જ રોમાંચક બનવાની છે.
મુંબઈ ઈન્ડિયન્સે, અલબત્ત, RCB અને CSK સામે બેક-ટુ-બેક પરાજય સાથે તેમના અભિયાનની શરૂઆત કરી હતી, પરંતુ બેક-ટુ-બેક મેચોમાં દિલ્હી કેપિટલ્સ અને કોલકાતા નાઈટ રાઈડર્સને હરાવીને શાનદાર રીતે બાઉન્સ બેક કર્યું છે.
બીજી તરફ સનરાઈઝર્સ હૈદરાબાદ, રાજસ્થાન રોયલ્સ અને લખનૌ સુપર જાયન્ટ્સ સામે તેની પ્રથમ બે મેચ હારી ગઈ હતી, પરંતુ ત્યારબાદ પંજાબ કિંગ્સ અને કોલકાતા નાઈટ રાઈડર્સ સામે સતત બે મેચ જીતીને જીતનો સિલસિલો જોવા મળ્યો હતો.
પોઈન્ટ ટેબલમાં વર્તમાન સ્ટેન્ડિંગ મુજબ મુંબઈ આઠમા સ્થાને છે જ્યારે સનરાઈઝર્સ નવમા સ્થાને છે. આવી સ્થિતિમાં બંને ટીમો આજની મેચમાં પોતપોતાની સ્થિતિ સુધારવા ઈચ્છશે. સનરાઇઝર્સ હૈદરાબાદની ટીમે તેની છેલ્લી મેચમાં KKRને 23 રને હરાવ્યું હતું.
હૈદરાબાદની બેટિંગમાં અત્યારે કોઈ બ્રેક નથી, એક તરફ જ્યાં હેરી બ્રુકે KKR સામેની છેલ્લી મેચમાં ટીમ માટે શાનદાર સદી ફટકારી હતી, તો બીજી તરફ કેપ્ટન એડન માર્કરામે પણ શાનદાર અડધી સદી પૂરી કરી હતી. જોકે હૈદરાબાદની ટીમ પોતાની બોલિંગમાં ચોક્કસ ફેરફાર કરી શકે છે.
બીજી તરફ, સિઝનની શરૂઆતથી જ સૂર્યકુમાર યાદવ ફોર્મમાં ન હોવાને કારણે મુંબઈને ભારે નુકસાન થયું હતું, પરંતુ સ્ટાર બેટ્સમેનની વાપસી સાથે મેચોમાં પણ જીતનો સિલસિલો શરૂ થઈ ગયો છે. સૂર્યકુમાર અને ઈશાન કિશનની ઝડપી બેટિંગના આધારે ટીમે છેલ્લી મેચમાં જોરદાર વિજય મેળવ્યો હતો. આ સિવાય નીચલા ક્રમમાં તિલક વર્મા અને ટિમ ડેવિડનો પણ સારો સપોર્ટ મળી રહ્યો છે.
કેમેરોન ગ્રીને પણ ટીમ માટે સારું યોગદાન આપ્યું છે. મુંબઈની ટીમ બેટિંગમાં ઘણી સંતુલિત દેખાઈ રહી છે, પરંતુ બોલિંગમાં ચોક્કસ ફેરફાર થઈ શકે છે. બીજી તરફ હૈદરાબાદને હેરી બ્રુક અને રાહુલ ત્રિપાઠીના રૂપમાં શાનદાર બેટ્સમેનોનો સાથ મળ્યો છે. પંજાબ સામેની જીતમાં રાહુલ ત્રિપાઠીએ 48 બોલમાં 74 રનની જોરદાર ઇનિંગ રમી હતી.
બંને જીતમાં કેપ્ટન એડન માર્કરમે ઘણું યોગદાન આપ્યું છે. માર્કરમે છેલ્લી બે મેચમાં 50 અને 37 રન બનાવ્યા છે. એવી અપેક્ષા રાખવામાં આવે છે કે હૈદરાબાદના હોમ ગ્રાઉન્ડ પર સનરાઇઝર્સ જીતની હેટ્રિક લગાવી શકે છે.
સનરાઇઝર્સ હૈદરાબાદની સંભવિત પ્લેઇંગ 11: એડન માર્કરમ (c), હેનરિક ક્લાસેન (wk), હેરી બ્રુક, મયંક અગ્રવાલ, રાહુલ ત્રિપાઠી, અભિષેક શર્મા, માર્કો જેન્સેન, ભુવનેશ્વર કુમાર, મયંક માર્કંડે, ઉમરાન મલિક, ટી નટરાજન.
મુંબઇ ઇન્ડિયન્સની સંભવિત પ્લેઇંગ 11: સૂર્યકુમાર યાદવ (કેપ્ટન), ઈશાન કિશન (wc), કેમરોન ગ્રીન, તિલક વર્મા, ટિમ ડેવિડ, નેહલ વાઢેરા, અર્જુન તેંડુલકર, જોફ્રા આર્ચર, હૃતિક શોકીન, પીયૂષ ચાવલા, ડુઆન જેન્સન.
Click it and Unblock the Notifications
Sign in with Google
