Rishabh Pant, IPL 2024: દિલ્હી કેપિટલ્સને મોટો ઝટકો, એક મેચ માટે સસ્પેન્ડ થયો ઋષભ પંત, લાગ્યો મોટો દંડ
Rishabh Pant, IPL 2024: દિલ્હી કેપિટલ્સને IPL 2024 માં મોટો ઝટકો મળ્યો છે. દિલ્હી કેપિટલ્સ ટીમના કેપ્ટન ઋષભ પંતને એક મેચ માટે સસ્પેન્ડ કરી દેવામાં આવ્યો છે. તેના પર ધીમી ઓવર ગતિના કારણે 30 લાખ રૂપિયાનો દંડ પણ લગાવવામાં આવ્યો છે.
દિલ્હીએ 7 મેના રોજ તેના ઘર અરુણ જેટલી સ્ટેડિયમમાં રમાયેલી મેચમાં રાજસ્થાન રોયલ્સને 20 રને હરાવ્યું હતું, અને આ મેચમાં ઋષભ પંત ધીમી ઓવર રેટ માટે દોષી સાબિત થયો હતો. દિલ્હી કેપિટલ્સે સંપૂર્ણ 20 ઓવર નાખવા માટે નિર્ધારિત સમય કરતા 10 મિનિટ વધુ સમય લીધો હતો.
ત્રીજી વખત ગુનો કર્યો - આ પહેલીવાર નથી, જ્યારે દિલ્હી સ્લો ઓવર રેટથી ફટકો પડ્યો હોય. આ ત્રીજી વખત છે, જ્યારે દિલ્હીએ આવું કર્યું છે અને તેથી જ ઋષભ પંતને સસ્પેન્ડ કરવામાં આવ્યો છે, નહીં તો તેના પર માત્ર દંડ ભરાયો હોત.
જ્યારે પંતને ભારે દંડ ફટકારવામાં આવ્યો છે, તો ટીમના ખેલાડીઓને પણ દંડ ફટકારવામાં આવ્યો છે. પ્લેઈંગ-11માં સામેલ ટીમના તમામ ખેલાડીઓને 12 લાખ રૂપિયા અથવા મેચ ફીના 50 ટકા જે ઓછું હોય તે દંડ ફટકારવામાં આવ્યો છે. આમાં ઇમ્પેક્ટ પ્લેયર્સનો પણ સમાવેશ થાય છે.
દિલ્હીએ કરી હતી અપીલ - ઋષભ પંત અને ટીમને બચાવવા માટે દિલ્હી કેપિટલ્સે અમ્પાયરના આ નિર્ણય સામે અપીલ કરી હતી, પરંતુ તેનો કોઈ ફાયદો થયો ન હતો. દિલ્હીની અપીલ બીસીસીઆઈ લોકપાલને પણ મોકલવામાં આવી હતી.
લોકપાલે સુનાવણી હાથ ધરી અને પછી કહ્યું કે, મેચ અમ્પાયરનો નિર્ણય અંતિમ છે. દિલ્હીની ટીમ પ્લેઓફની રેસમાં છે, અને તેને આગલા રાઉન્ડમાં જવા માટે તેની બંને મેચ જીતવી પડશે, પરંતુ આગામી મેચમાં ઋષભ પંતની ગેરહાજરી આ ટીમ માટે ખૂબ જ ખરાબ સમાચાર છે. ઉલ્લેખનીય છે કે, દિલ્હીની ટીમ હાલ પોઈન્ટ ટેબલમાં પાંચમા સ્થાને છે.
Click it and Unblock the Notifications
Sign in with Google
