IPL 2024 : આઈપીએલ ઓક્શનમાં મળેલા રૂપિયામાંથી ખેલાડીને કેટલા રૂપિયા મળે? જાણો શું છે નિયમ?
ભારતમાં દર વર્ષે આઈપીએલ યોજાય છે અને તે પહેલા મીની ઓક્શન દ્વારા ખેલાડીઓની કિંમત અંકાય છે. વિવિધ ટીમ ગમતા ખેલાડીઓ પર બોલી લગાવે છે.
આઈપીએલનું ભારતમાં દર વર્ષે આયોજન કરવામાં આવે છે અને કુલ 10 ટીમ ટાઈટલ માટે મેદાને ઉતરે છે. દરેક ટીમ ભારતના અલગ રાજ્યનું પ્રતિનિધિત્વ કરે છે.
આઈપીએલ ઓક્શનમાં દરેક ટીમ પોતાના માટે ગમતા ખેલાડીને ખરીદી શકે છે. આ માટે નિયમિત હરાજી હાથ ધરવામાં આવે છે. આ હરાજીમાં ખેલાડી લાખો-કરોડમાં વેચાય છે.
અહી મોટા ભાગના ક્રિકેટ ફેન્સનો સવાલ એ છે કે, જે ખેલાડી 1 કરોડમાં વેચાય તેને પૂરા 1 કરોડ રૂપિયા મળે છે કે કેમ? જો નહીં, તો પછી આ ખેલાડીઓને કેટલા પૈસા મળે છે? આ સાથે સવાલ એ પણ ઊભો થાય છે કે પૈસા કેવી રીતે અને ક્યાં કપાય છે.
જણાવી દઈએ કે, જ્યારે પણ IPL અથવા અન્ય કોઈ લીગમાં પ્રાઈઝ મળે છે ત્યારે તેમાં TDS કાપવામાં આવે છે. સામાન્ય રીતે ભારતીય ખેલાડીઓને મળતી રકમમાંથી 10 ટકા TDS કાપવામાં આવે છે.
આ ઉપરાંત ખેલાડીઓએ આવકવેરાના નિયમો અનુસાર પણ ટેક્સ ચૂકવવો પડે છે. જે વાર્ષિક કમાણી પર આધારિત છે. ટીડીએસની ગણતરી હરાજીના પૈસાના આધારે જ થાય છે.
જ્યારે વિદેશી ખેલાડીઓએ 20 ટકા TDS ચૂકવવો પડે છે. વિદેશી ખેલાડીઓએ TDS સિવાય અન્ય કોઈ ટેક્સ ચૂકવવો પડતો નથી.
Click it and Unblock the Notifications
Sign in with Google
