IPL 2024 Prize money : પ્લેઓફ હાર્યા બાદ પણ કોહલી પર થશે રૂપિયાનો વરસાદ, જાણો કઈ ટીમને કેટલા રૂપિયા મળશે?

IPL 2024 Prize money : આઈપીએલ અંતિમ તબક્કામાં છે અને બહુ જલ્દી ફાઈનલમાં વિજેતાની જાહેરાત થશે. આ સાથે વિજેતા ટીમ પર રૂપિયાનો વરસાદ પણ જોવા મળશે.

હવે IPL 2024માં માત્ર બે મેચ બાકી છે. ક્વોલિફાયર 2 મેચ સનરાઈઝર્સ હૈદરાબાદ અને રાજસ્થાન રોયલ્સ વચ્ચે રમાઈ રહી છે. આ પછી આ લીગની છેલ્લી મેચ 26મી મેના રોજ ચેન્નાઈના ચેપોક સ્ટેડિયમમાં રમાવાની છે.

આજે અમે તમને એવી ટીમો વિશે જણાવવા જઈ રહ્યા છીએ જે IPLમાંથી બહાર થયા પછી પણ અમીર બની જશે. પ્લેઓફમાં ભાગ લેનારી ચાર ટીમોને સારી એવી ઈનામી રકમ આપવામાં આવે છે.

જણાવી દઈએ કે IPL વિજેતાને 20 કરોડ રૂપિયાની ઈનામી રકમ આપવામાં આવે છે. જ્યારે રનર અપ એટલે કે બીજા સ્થાને રહેલી ટીમને 13 કરોડ રૂપિયા આપવામાં આવે છે.

IPLમાં ત્રીજા સ્થાને રહેલી ટીમને 7 કરોડ રૂપિયા અને ચોથા સ્થાને રહેલી ટીમને 6 કરોડ 50 લાખ રૂપિયા મળે છે. આ વર્ષે IPLમાં ચોથા નંબરની ટીમ નક્કી થઈ ગઈ છે.

રોયલ ચેલેન્જર બેંગ્લોરની ટીમે આ વર્ષે ચોથા સ્થાને પોતાની સફર પૂરી કરી છે. આ સ્થિતિમાં રોયલ ચેલેન્જર બેંગ્લોરને ઈનામી રકમ તરીકે 6 કરોડ 50 લાખ રૂપિયા આપવામાં આવશે.

રોયલ ચેલેન્જર બેંગ્લોર સિવાય બીજા અને ત્રીજા સ્થાને રહેલી ટીમોને પણ મોટી રકમ મળે છે. જણાવી દઈએ કે IPLમાં સૌથી વધુ રન બનાવનાર બેટ્સમેન અને સૌથી વધુ વિકેટ લેનાર બોલરને પણ અલગ-અલગ પૈસા આપવામાં આવે છે.

સૌથી વધુ રન બનાવનાર બેટ્સમેનોની યાદીમાં વિરાટ કોહલી સૌથી આગળ છે. આ વર્ષે ઓરેન્જ કેપ વિરાટ કોહલીના માથા પર રહેશે તે લગભગ નિશ્ચિત છે. જો વિરાટ કોહલી ઓરેન્જ કપ જીતશે તો તેને 15 લાખ રૂપિયા અલગથી આપવામાં આવશે. જ્યારે પર્પલ કેપ વિજેતાને 15 લાખ રૂપિયા મળે છે.

English summary

IPL 2024 Prize money: Kohli will be showered with rupees, know which team will get how much rupees?