IPL 2025 : BCCIએ IPLમાં લાગુ કર્યો જૂનો નિયમ, જાણો શું છે આ નિયમ?

IPL 2025 : IPL શરૂ થવા જઈ રહી છે અને ક્રિકેટ ફેન્સમાં ઉત્સાહનો માહોલ છે. આ ઉત્સાહ વચ્ચે બીસીસીઆઈએ પણ તૈયારી પુર્ણ કરી લીધી છે.

આ દરમિયાન હાલમાં જ યોજાયેલી એક મહત્વની બેઠકમાં BCCIએ IPLમાં એક જૂનો નિયમ ફરીથી લાગુ કર્યો છે. આ નિર્ણય બોલરો માટે ફાયદાકારક સાબિત થઈ શકે છે.

BCCIએ જાહેરાત કરી છે કે આ સીઝનમાં બોલરોને બોલ પર થુક લગાવવાની છૂટ આપવામાં આવશે. કોરોનાકાળ દરમિયાન આ નિયમ પર પ્રતિબંધ મૂકવામાં આવ્યો હતો. હવે BCCIએ આ નિયમને ફરીથી અમલમાં મૂક્યો છે.

આ નિર્ણય લેતા પહેલા તમામ IPL ટીમોના કેપ્ટનો સાથે ચર્ચા કરવામાં આવી હતી અને તેઓએ પણ આ નિયમ પુનઃલાગુ કરવાની સંમતિ આપી હતી. બેઠકમાં ભાગ લેનારા તમામ કેપ્ટન બોલ પર થુક લગાવવાની મંજૂરી આપવાના પક્ષમાં હતા.

થોડા દિવસ પહેલા ભારતીય ફાસ્ટ બોલર મોહમ્મદ શમીએ પણ આ મુદ્દા પર પોતાનું મંતવ્ય વ્યક્ત કર્યુ હતુ. શમીએ કહ્યું હતું કે હવે જ્યારે કોરોના વાયરસનો ખતરો ઘટી ગયો છે ત્યારે બોલ પર થુક લગાવવાની પરવાનગી હોવી જોઈએ, જેથી બોલરોને રિવર્સ સ્વિંગમાં મદદ મળી શકે.

BCCIએ આ મુદ્દાને ગંભીરતાથી લઈ પગલાં ભર્યા છે, જો કે ICC તરફથી હજુ સુધી આ મુદ્દે કોઈ સત્તાવાર નિવેદન આવ્યું નથી.

આ નિર્ણય બાદ બોલરો IPLમાં વધુ અસરકારક બની શકે છે. ખાસ કરીને ફાસ્ટ બોલરો માટે રિવર્સ સ્વિંગનું હથિયાર ફરીથી ઉપયોગમાં આવી શકે છે.

English summary

BCCI Implements Old Rule in IPL, Know What It Is!