IPL 2025 : આઈપીએલ પહેલા જ કેકેઆરને મોટો ઝટકો, 24 કરોડી ખેલાડી થઈ શકે છે બહાર

IPL 2025 : આઈપીએલ 2025 માટે કોલકત્તા નાઈટ રાઈડર્સે ઘણા રૂપિયા ખર્ચ્યા છે. ટીમને મજબુત કરવા ફ્રેન્ચાઈઝીએ ઘણા સ્ટાર ખેલાડીઓને ટીમમાં સામેલ કર્યા છે.

જો કે હવે કોલકત્તા માટે આઈપીએલ પહેલા જ માઠા સમાચાર સામે આવ્યા છે. અહેવાલો પર વિશ્વાસ કરીએ તો કોલકત્તાનો સ્ટાર ખેલાડી ઈજાને કારણે બહાર થઈ શકે છે.

કોલકાતા નાઈટ રાઈડર્સે હરાજીમાં વેંકટેશ ઐયર માટે 23.75 કરોડ રૂપિયાની બોલી લગાવી હતી અને ટીમમાં સામેલ કર્યો હતો. જો કે હવે ઐયરે ટીમને ટેન્શન આપી દીધુ છે.

માર્ચમાં IPL શરૂ થવાની છે અને તે પહેલાં જ વેંકટેશ ઐયર ઈજાગ્રસ્ત થયો છે. આ મામલો રણજી ટ્રોફી દરમિયાન પ્રકાશમાં આવ્યો હતો. આજથી શરૂ થયેલા રાઉન્ડમાં વેંકટેશ ઐયર મધ્યપ્રદેશ તરફથી કેરળની ટીમ સામે રમી રહ્યો હતો.

વેંકટેશ ઐયર બેટિંગ કરવા આવ્યો ત્યારે તેને રમવામાં અસ્વસ્થતા અનુભવાઈ હતી. તે પકડી રાખવાનો પ્રયાસ કરી રહ્યો હતો પણ કરી શક્યો નહીં. હેમસ્ટ્રિંગની સમસ્યાને કારણે તેને આખરે મેદાન છોડવું પડ્યું.

હવે જોવાનું એ રહે છે કે વેંકટેશ ઐયરની ઈજા કેટલી ગંભીર છે. હેમસ્ટ્રિંગની ઇજાઓ સામાન્ય રીતે વધુ સમય લેતી નથી અને ઝડપથી મટે છે. આ મેચમાં ઐય્યર ફરીથી બેટિંગ કરવા આવ્યો હતો. થોડો સમય રહ્યા બાદ તે 42 રનના વ્યક્તિગત સ્કોર પર આઉટ થયો હતો.

English summary

IPL 2025: Big blow to KKR even before IPL, 24 crore players may be out