મેદાન પર કુલદીપ યાદવે રિંકુ સિંહને માર્યો લાફો!, KKRનો સ્ટાર બેસ્ટમેન સ્તબધ થઈ ગયો, જૂઓ વાયરલ Video

દિલ્હી કેપિટલ્સ (DC) અને કોલકાતા નાઈટ રાઈડર્સ (KKR) વચ્ચેની મેચ પછી એક રસપ્રદ વીડિયો સોશિયલ મીડિયા પર ચર્ચાનો વિષય બન્યો છે. આ વીડિયોમાં ટીમ ઈન્ડિયાના બે ક્રિકેટરો - કુલદીપ યાદવ અને રિંકુ સિંહ - હળવાશથી મસ્તી કરતા જોવા મળે છે, પરંતુ અચાનક વાતાવરણ એવું બની ગયું કે KKRનો આ બેટ્સમેન એક ક્ષણ માટે અવાચક થઈ ગયો.

મેચની વાત કરીએ તો, KKR એ પ્રથમ બેટિંગ કરતા 204/9 નો મજબૂત સ્કોર બનાવ્યો. જવાબમાં, ડીસી ફક્ત 190/9 જ બનાવી શક્યું અને 14 રનથી મેચ હારી ગયું. આ જીત સાથે, KKR એ પ્લેઓફમાં પહોંચવાની આશા જીવંત રાખી છે.

મેચ પછી, જ્યારે બંને ખેલાડીઓ વાત કરી રહ્યા હતા, ત્યારે કુલદીપ યાદવ અચાનક રિંકુ સિંહને બે વાર થપ્પડ મારતો જોવા મળ્યો. શરૂઆતમાં બધું મજાક તરીકે ચાલી રહ્યું હતું, પણ રિંકુના ચહેરાને જોઈને એવું લાગતું હતું કે તે થોડી અસ્વસ્થતા અનુભવી રહ્યો છે. તેણે તરત જ કંઈક કહ્યું, પરંતુ વીડિયોમાં કોઈ ઓડિયો નહોતો જેના કારણે તેના શબ્દો સ્પષ્ટ નહોતા.

Yo kuldeep watch it pic.twitter.com/z2gp4PK3OY

— irate lobster🦞 (@rajadityax) April 29, 2025

આ વાયરલ વીડિયો પર સોશિયલ મીડિયા યુઝર્સે જોરદાર પ્રતિક્રિયા આપી છે. ઘણા ચાહકોએ તેને વધુ પડતી મજાક ગણાવી અને કુલદીપ યાદવને 'અનપ્રોફેશનલ' ગણાવ્યો. કેટલાક યુઝર્સે તો BCCI ને આ ઘટનાની તપાસ કરવા અને કુલદીપ સામે કાર્યવાહી કરવા માટે પણ કહ્યું છે. જોકે, અત્યાર સુધી કુલદીપ કે રિંકુ તરફથી આ સમગ્ર મામલે કોઈ ઔપચારિક નિવેદન આવ્યું નથી.

મેચની વાત કરીએ તો KKRના બેટ્સમેન અંગક્રિશ રઘુવંશીએ 44 રનની શાનદાર ઇનિંગ રમી હતી, જ્યારે સુનીલ નારાયણે ત્રણ વિકેટ લઈને મેચને ફેરવી નાંખી હતી, બીજી તરફ, દિલ્હી તરફથી ફાફ ડુ પ્લેસિસે 62 અને અક્ષર પટેલે 37 રન બનાવ્યા પરંતુ ટીમ લક્ષ્યથી ઓછી રહી.

આ હારથી ડીસીને પોઈન્ટ ટેબલમાં ઉપર જવાની તક ગુમાવવી પડી, જ્યારે કેકેઆરે આ રોમાંચક જીત સાથે પ્લેઓફની રેસ જીવંત રાખી.

Slap-Kalesh (Kuldeep Yadav slapped Rinku Singh twice) pic.twitter.com/l3uD0Bqjmc

— Ghar Ke Kalesh (@gharkekalesh) April 29, 2025

રિંકુ સિંહ અને કુલદીપ યાદવ બંને ટીમ ઈન્ડિયાનો ભાગ છે અને એકબીજાને ઘણા સમયથી જાણે છે. આવા કિસ્સામાં, ઘટના મૈત્રીપૂર્ણ રીતે બની શકે છે, પરંતુ કેમેરા પર આવી ક્રિયાઓ ખોટો સંદેશ આપી શકે છે.

ખેલાડીઓએ કેમેરા સામે તેમના વર્તનમાં શિસ્ત અને સંયમ જાળવવો જોઈએ, ખાસ કરીને જ્યારે દરેક પ્રવૃત્તિ સોશિયલ મીડિયા પર રેકોર્ડ થઈ રહી હોય. KKR ની આ જીત પ્લેઓફની દોડને વધુ રોમાંચક બનાવી રહી છે કારણ કે હવે પોઈન્ટ ટેબલ પર ટોચની 4 ટીમો વચ્ચે કઠિન સ્પર્ધા છે.

IPL જેવા પ્લેટફોર્મ પર, દરેક ખેલાડીનું વર્તન લાખો ચાહકોને અસર કરે છે, તેથી કોઈ પણ કાર્યવાહી હળવાશથી ન લઈ શકાય.