IPL 2026 Full Schedule: IPL 2026 નું સંપૂર્ણ સમયપત્રક જારી, જાણો કુલ કેટલા મુકાબલા રમાશે?
ભારતીય ક્રિકેટ કંટ્રોલ બોર્ડ (BCCI) દ્વારા આઈપીએલ 2026નું સંપૂર્ણ શિડ્યુલ જાહેર કરવામાં આવ્યું છે. આગામી સીઝનનો પ્રારંભ 28 માર્ચથી થશે અને ફાઈનલ મેચ 31 મેના રોજ રમાશે. ક્રિકેટ ચાહકો માટે આ વખતે ટૂર્નામેન્ટમાં કુલ 84 રોમાંચક મેચોનું આયોજન કરવામાં આવ્યું છે.
ટૂર્નામેન્ટની પ્રથમ મેચ બેંગલુરુના એમ. ચિન્નાસ્વામી સ્ટેડિયમમાં રમાવાની છે. ઉદ્ઘાટન મેચમાં ડિફેન્ડિંગ ચેમ્પિયન રોયલ ચેલેન્જર્સ બેંગલુરુ અને સનરાઈઝર્સ હૈદરાબાદ ટકરાશે. જ્યારે મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે બીજી મેચ રમાશે.
ચૂંટણીને ધ્યાનમાં રાખીને BCCI દ્વારા શિડ્યુલને અલગ-અલગ તબક્કામાં વહેંચવામાં આવ્યું છે. બીજા તબક્કાની મેચો 13 એપ્રિલથી શરૂ થશે જેમાં કુલ 50 મેચો રમાશે. આ મેચો દેશના કુલ 12 જેટલા વિવિધ સ્ટેડિયમોમાં આયોજિત કરવામાં આવશે.
ટૂર્નામેન્ટમાં મુંબઈ ઈન્ડિયન્સ અને ચેન્નાઈ સુપર કિંગ્સ વચ્ચેની ટક્કર 23 એપ્રિલે થશે. રાજસ્થાન રોયલ્સ તેમના હોમ ગ્રાઉન્ડ તરીકે જયપુર અને ગુવાહાટીનો ઉપયોગ કરશે. પંજાબ કિંગ્સની ટીમ ધર્મશાળા અને મુલ્લાનપુરમાં પોતાની હોમ મેચો રમતી જોવા મળશે.
આ વખતે આઈપીએલમાં રવિવારના દિવસે ડબલ હેડર મેચોનો આનંદ માણી શકાશે. બપોરની મેચો 3:30 વાગ્યે અને સાંજની મેચો 7:30 વાગ્યે શરૂ કરવામાં આવશે. પ્લેઓફ અને ફાઈનલ મેચના વેન્યુની જાહેરાત આગામી દિવસોમાં કરવામાં આવશે.
Click it and Unblock the Notifications
Sign in with Google
