IPL 2020: માઈકલ વૉને ટૉમ બેન્ટનને સલાહ આપી, કહ્યું- KKRનો સાથ છોડી દે

Updated: Thursday, January 23, 2020, 21:51 [IST]

ઈંગ્લેન્ડના યંગ ટર્ક બેટ્સમેન ટોમ બેન્ટર બિગ બેશ લીગમાં ધમાકેદાર પ્રદર્શન કરી ચૂક્યા છે. ઈંગ્લેન્ડમાં સમરસેટ તરફથી પણ બેન્ટન મેદાન પર ધમાલ મચાવી ચૂક્યા છે. હવે બીબીએલમાં તે બ્રિસ્બેન હિટ તરફથી આક્રમક બેટિંગ કરી રહ્યા છે. આઈપીએલની હરાજીમાં તેમની બેઝ પ્રાઈઝ તો 20 લાખ હતી, પરંતુ કોલકાતાએ તેમને 1 કરોડ રૂપિયામાં ખરીદ્યા. પરંતુ ઈંગ્લેન્ડના કેપ્ટન માઈકલ વૉન ઈચ્છે છે કે બેન્ટને આઈપીએલમાં ન રમવું જોઈએ. વૉનનું માનવું છે કે ટોમ બેન્ટને કાઉન્ટી ચેમ્પિયનશિપ રમવી જોઈએ, જેથી તે ઈંગ્લેન્ડની ટેસ્ટ ટીમમાં પોતાનું સ્થાન બનાવી શકે.

વૉને ટેલિગ્રાફ સ્પોર્ટમાં પોતાની કોલમમાં લખ્યુ છે,’જો હું ઈનચાર્જ હોત તો બેન્ટને ફોન કરીને કહેતો કે તે આઈપીએલ ડીલ છોડી અને કેટલાક અઠવાડિયા માટે કાઉન્ટી સિઝનમાં સમરસેટ તરફથી રમે. કારણ કે ઈંગ્લેન્ડને ટેસ્ટ ટીમમાં નંબર 6 પર સારા બેટ્સમેનની જરૂર છે. હું બેન્ટને બેટિંગ કરતા જોઈ ચૂક્યો છે. તે આગામી સમયનો સુપર્સાટર છે. પણ મને સમજાતુ નથી કે કરિયરના આ તબક્કે તેણે આઈપીએલ રમવી જોઈએ કે નહીં. કારણ કે તેમાં બેન્ટને વધુ મેચ રમવા મળશે કે નહીં તે નક્કી નથી.’

વૉને લખ્યુ છે,’આઈપીએલ રાહ જોઈ શકે છે. તેમની પાસે આ લીગમાં રમવા માટે લાંબો સમય છે. હાલ બેન્ટને ચાર દિવસી ક્રિકેટ પર ફોકસ કરવું જોઈએ અને કેટલીક આક્રમક સદીઓ ફટકારવી જોઈએ.’ વૉન માને છે કે બેન્ટનમાં ખૂબ ટેલેન્ટ છે અને તે ઈંગ્લેન્ડની ટેસ્ટ ટીમમાં સ્થાન મેળવી શકે છે. એટલે જ વૉને પોતાની કૉલમમાં લખ્યુ છે,’ઈંગ્લેન્ડ પાસે ટોપ ઓર્ડરમાં રૉરી બર્ન્સ, સિબલે કે ક્રોલે, પોપ, રુટ, સ્ટોક્સ, બેન્ટન અને સાત નંબર પર વિકેટકીપર બેટ્સમેન બેન ફોક્સ હોઈ શકે છે. તો ઈંગ્લેન્ડનો બેટિંગ ઓર્ડર સુધરી શકે છે.’