RCB vs CSK : બેંગ્લોર સામે ચેન્નાઈ ઘુંટણીએ, શરમજનક હાર
RCB vs CSK : ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાયેલો મુકાબલો બેંગ્લોરે એકતરફી જીતી લીધો છે. લાંબા સમય બાદ ચેન્નાઈ સુપર કિંગ્સ પોતાના ઘરમાં RCB સામે શરમજનક રીતે હારી છે. બેંગ્લોરે આ મુકાબલાને બે વિકેટે જીતી લીધો.
197 રનનો પીછો કરતી વખતે ચેન્નાઈ સુપર કિંગ્સે 26ના સ્કોર પર ત્રણ વિકેટ ગુમાવી દીધી હતી. આ મેચમાં કેપ્ટન રુતુરાજ ગાયકવાડ પોતાનું ખાતું પણ ખોલી શક્યો ન અને હેઝલવુડના બોલ પર કેચ આઉટ થયો હતો.
રોયલ ચેલેન્જર્સ બેંગ્લોર તરફથી જોશ હેઝલવુડે શાનદાર બોલિંગ કરી હતી. તેણે પોતાની પહેલી જ ઓવરમાં રાહુલ ત્રિપાઠી અને રુતુરાજ ગાયકવાડને આઉટ કરીને CSKની કમર તોડી નાખી.
આ પછી ભુવનેશ્વર કુમારે આ સિઝનની આઈપીએલમાં આરસીબી માટે દીપક હુડ્ડાની પ્રથમ વિકેટ લીધી. ચેન્નાઈએ પાવરપ્લેમાં જ ત્રણ મહત્વની વિકેટ ગુમાવી દીધી હતી.
આ પહેલા RCBના કેપ્ટન રજત પાટીદાર અને ટિમ ડેવિડની શાનદાર ઇનિંગના કારણે RCBએ 197 રનનો ટાર્ગેટ આપ્યો હતો. પાટીદારની અડધી સદીએ આરસીબીને મજબૂત શરૂઆત અપાવી હતી, જ્યારે ડેવિડે અંતિમ ઓવરમાં તેની આક્રમક રમતથી રન રેટને દોડાવી હતી.
પાટીદારે 32 બોલમાં 51 રન બનાવ્યા અને પોતાની ટીમને 200ની નજીક પહોંચાડી દીધી, તેના દાવમાં ચાર ચોગ્ગા અને ત્રણ છગ્ગા સામેલ હતા.
Click it and Unblock the Notifications
Sign in with Google
