RCB vs PBKS: પંજાબે બેંગલોરને હરાવ્યુ, પ્લેઓફની રેસમાં બરકરાર, રબાડા છવાયા

IPL 2022ની 60મી મેચ આજે રમાઈ રહી છે. પ્રથમ બેટિંગ કરતા પંજાબ કિંગ્સે મુંબઈના બ્રેબોર્ન સ્ટેડિયમમાં રોયલ ચેલેન્જર્સ બેંગ્લોર સામે જીત માટે 210 રનનો ટાર્ગેટ આપ્યો હતો. આ ટાર્ગેટનો પીછો કરતા રોયલ ચેલેંજર્સ બેંગલોર 20 ઓવરમાં 9 વિકેટ ગુમાવી 155 રન બનાવ્યા હતા.

પંજાબ કિંગ્સે રોયલ ચેલેન્જર્સ બેંગ્લોર સામે 54 રને જીત નોંધાવીને તેમની પ્લેઓફની આશા જીવંત રાખી હતી. પંજાબે સફળતાપૂર્વક 209ના સ્કોરનો બચાવ કર્યો અને બેંગ્લોરને 155એ અટકાવી દીધું હતુ.

બેંગલોર તરફથી બેટીંગ કરતા ગ્લેન મેક્સવેલે સૌથી વધુ 22 બોલમાં 35 રન બનાવ્યા હતા. આ ઉપરાંત રજત પાટીદારે 21 બોલમાં 26 રન, વિરાટ કોહલીએ 14 બોલમાં 20 રન બનાવ્યા હતા. પંજાબ તરફથી બોલિંગ કરતા કગીસો રબાડાએ 3 વિકેટ, રીશી ધવન અને રાહુલ ચહરે 2-2 વિકેટ તથા હરપ્રિત બ્રાર અને અર્શદીપ સિંહે 1-1 વિકેટ ઝડપી હતી.

English summary

RCB vs PBKS: Punjab beat Bangalore, remain in playoff race