RCB vs RR : રાજસ્થાન સામે ગ્રીન જર્સીમાં કેમ ઉતરી રોયલ ચેલેન્જર્સ બેંગ્લોર?
RCB vs RR : જયપુરના સવાઈ માનસિંહ સ્ટેડિયમમાં આઈપીએલ 2025ની 28મી મેચમાં રોયલ ચેલેન્જર્સ બેંગ્લોર (આરસીબી) અને રાજસ્થાન રોયલ્સ (આરઆર) વચ્ચે રોમાંચક મુકાબલો જોવા મળ્યો.
આ મેચમાં આરસીબીએ પોતાની જર્સીને બદલે લીલી જર્સી પહેરી હતી, જેની ચર્ચા હવે સોશિયલ મીડિયા પર ખુબ થઈ રહી છે.
આરસીબીએ લીલી જર્સી પહેરીને પર્યાવરણ પ્રત્યે જાગૃતિ લાવવાનો સંદેશ આપ્યો છે. આ પહેલ 2011માં શરૂ થઈ હતી, જેને ટીમે ગો ગ્રીન નામ આપ્યું છે.
આ જર્સી રિસાયકલ કરેલા ફેબ્રિકથી બનાવવામાં આવે છે, જે પર્યાવરણની સુરક્ષા અને વૃક્ષારોપણ જેવા મુદ્દાઓ પર ધ્યાન ખેંચે છે. ટીમનો ઉદ્દેશ લોકોને વધુ વૃક્ષો વાવવા અને પ્રકૃતિની કાળજી લેવા માટે પ્રેરિત કરવાનો છે.
આઈપીએલના દરેક સીઝનમાં આરસીબી એક મેચમાં આ લીલી જર્સી પહેરે છે અને આ વખતે રાજસ્થાન સામેની મેચ માટે આ પસંદગી કરવામાં આવી હતી.
આ મેચમાં આરસીબીના કેપ્ટન રજત પટેલે ટોસ જીતીને પહેલા બોલિંગ કરવાનો નિર્ણય લીધો હતો. રાજસ્થાન રોયલ્સે 20 ઓવરમાં 4 વિકેટે 173 રન બનાવ્યા હતા.
જવાબમાં આરસીબીના બેટ્સમેનોએ શાનદાર પ્રદર્શન કર્યું. ફિલ સોલ્ટે 33 બોલમાં 65 રન અને વિરાટ કોહલીએ 62 રનની નોટઆઉટ ઇનિંગ રમી. બંનેએ 92 રનની ઓપનિંગ ભાગીદારી કરી, જેના કારણે આરસીબીએ માત્ર 17.3 ઓવરમાં 1 વિકેટે 175 રન બનાવીને 9 વિકેટે મેચ જીતી લીધી.
Click it and Unblock the Notifications
Sign in with Google
