RR vs LSG : આજે કઈ ટીમનું પલ્લુ ભારે, જાણો પીચ રિપોર્ટ
આઈપીએલના ચૌથા મુકાબલામાં આજે રાજસ્થાન રોયલ્સ અને લખનૌ સુપરજાયન્ટ વચ્ચે રમાવા જઈ રહ્યો છે. આ મુકાબલામાં બન્ને ટીમ જીત સાથે આઈપીએલની શરૂઆત કરવા ઈચ્છશે.
રાજસ્થાન રોયલ્સ અને લખનૌ સુપરજાયન્ટ્સ વચ્ચેની આ મેચ જયપુરના સવાઈ માનસિંહ સ્ટેડિયમમાં બપોરે 3.30 વાગ્યે શરૂ થશે. આ રોમાંચક મેચ પહેલા જયપુરની પિચ અને હવામાન અહેવાલ પર એક નજર કરીએ.
રાજસ્થાન રોયલ્સની આઈપીએલ 2023ની સીઝન સારી રહી હતી. ટીમે તેની 14 મેચમાંથી સાત મેચ જીતી હતી અને પોઈન્ટ ટેબલ પર પાંચમું સ્થાન મેળવ્યું હતું.
ટીમ આ વર્ષે વધુ સારી રીતે તૈયાર દેખાય છે. બીજી તરફ લખનૌ સુપરજાયન્ટ્સ ગયા વર્ષે એલિમિનેટર મેચમાં મુંબઈ ઈન્ડિયન્સ સામે 81 રનથી હારી ગઈ હતી. આ વર્ષે તે ટ્રોફી ઉપાડવા પર ધ્યાન આપશે.
જયપુરના સવાઈ માનસિંહ સ્ટેડિયમની પીચ બેટ્સમેનોની સાથે સ્પિનરો માટે પણ સહાયક છે. આ મેદાન પર બીજી ઇનિંગમાં બેટિંગ કરવી સરળ છે. ફાસ્ટ બોલરોને આ પીચ પર થોડી સીમ મૂવમેન્ટ અને એક્સ્ટ્રા બાઉન્સ મળે છે, જે અમુક સમયે મદદરૂપ થઈ શકે છે.
જયપુર ક્રિકેટ રમવા માટે ખૂબ જ ગરમ સ્થળ છે અને જેમ જેમ ટુર્નામેન્ટ આગળ વધશે તેમ તે વધુ ગરમ થશે. રવિવારે તાપમાન 34 ડિગ્રી સેલ્સિયસની આસપાસ રહેશે અને કંઈક અંશે વાદળછાયું રહેશે. ભેજનું સ્તર 31 ટકા રહેશે અને પવનની સરેરાશ ગતિ 16 કિમી/કલાકની રહેશે. મેચ દરમિયાન વરસાદની કોઈ શક્યતા નથી.
Click it and Unblock the Notifications
Sign in with Google
