RR vs LSG : આજની મેચમાં ટોસ કોણ જીત્યુ? જાણો બન્ને ટીમોમાં કેટલો દમ?
ઇન્ડિયન પ્રીમિયર લીગમાં આજે ડબલ હેડરનો પહેલો મુકાબલો રાજસ્થાન રોયલ્સ અને લખનૌ સુપર જાયન્ટ્સ વચ્ચે રમાવા જઈ રહ્યો છે. બન્ને ટીમો આઈપીએલની પહેલી જીત માટે મેદાને ઉતરશે.
આ મુકાબલામાં રાજસ્થાન રોયલ્સે ટોસ જીતીને બેટિંગ કરવાનો નિર્ણય કર્યો છે. ટીમ મોટા ટાર્ગેટ સાથે મુકાબલો કરવા મેદાને ઉતરશે.
જયપુરના સવાઈ માનસિંહ સ્ટેડિયમની પીચ બેટ્સમેનોની સાથે સ્પિનરો માટે પણ સહાયક છે. આ મેદાન પર બીજી ઇનિંગમાં બેટિંગ કરવી સરળ છે. ફાસ્ટ બોલરોને આ પીચ પર થોડી સીમ મૂવમેન્ટ અને એક્સ્ટ્રા બાઉન્સ મળે છે, જે મદદરૂપ થઈ શકે છે.
જયપુર ક્રિકેટ રમવા માટે ખૂબ જ ગરમ સ્થળ છે અને જેમ જેમ ટુર્નામેન્ટ આગળ વધશે તેમ તે વધુ ગરમ થશે. રવિવારે તાપમાન 34 ડિગ્રી સેલ્સિયસની આસપાસ રહેશે અને કંઈક અંશે વાદળછાયું રહેશે. ભેજનું સ્તર 31 ટકા રહેશે અને પવનની સરેરાશ ગતિ 16 કિમી/કલાકની રહેશે. મેચ દરમિયાન વરસાદની કોઈ શક્યતા નથી.
રાજસ્થાન રોયલ્સ અને લખનૌ સુપર જાયન્ટ્સના હેડ-ટુ-હેડ રેકોર્ડ વિશે વાત કરીએ તો RR એ ત્રણમાંથી બે મેચમાં LSGને હરાવ્યું છે અને લખનૌ સામે એક મેચ હારી છે. આ સ્થિતિમાં કેટલાક નાના અપવાદોને બાદ કરતાં બંને ટીમો બરાબરી પર છે.
Click it and Unblock the Notifications
Sign in with Google
