Men's T20 World Cup 2024: ટી20 વિશ્વકપની તારીખ અને વેન્યુ થયા નક્કી, જાહેર કરવાનુ બાકી
Men's T20 World Cup 2024: આજે મેન્સ વર્લ્ડ કપ T20ની તારીખ અને હોસ્ટ પરથી પડદો હટી ગયો છે. espncricinfo અનુસાર, પુરુષોનો T20 વર્લ્ડ કપ આવતા વર્ષે 2024માં 4 જૂનથી 30 જૂન સુધી વેસ્ટ ઈન્ડિઝ અને યુનાઈટેડ સ્ટેટ્સના 10 સ્થળો પર રમાશે. એટલે કે આ વખતે વેસ્ટ ઈન્ડિઝ અને અમેરિકા આ વર્લ્ડ કપની યજમાની કરશે.
આ અઠવાડિયે ICC ટીમે યુનાઇટેડ સ્ટેટ્સમાં શૉર્ટલિસ્ટ કરાયેલા કેટલાક સ્થળોનું નિરીક્ષણ કર્યું, જે પ્રથમ વખત આંતરરાષ્ટ્રીય વૈશ્વિક ક્રિકેટ ઇવેન્ટનું આયોજન કરશે. આમાં ફ્લોરિડામાં લૉડરહિલનો સમાવેશ થાય છે, જે પહેલાથી જ આંતરરાષ્ટ્રીય મેચોનું આયોજન કરી ચૂક્યું છે.
જ્યારે મોરિસવિલે અને ડલ્લાસ હાલમાં યુનાઇટેડ સ્ટેટ્સમાં મેજર લીગ ક્રિકેટની ઉદ્ઘાટન આવૃત્તિનું આયોજન કરી રહ્યાં છે. ડલ્લાસ (ગ્રાન્ડ પ્રેઇરી સ્ટેડિયમ), મોરિસવિલે (ચર્ચ સ્ટ્રીટ પાર્ક) અને ન્યુ યોર્ક (બ્રોન્ક્સમાં વેન કોર્ટલેન્ડ પાર્ક)ના મેદાનોને હજુ સુધી આંતરરાષ્ટ્રીય સ્થળનો દરજ્જો મળ્યો નથી, જે ICC નિયમો દ્વારા ફરજિયાત છે.
ICC દ્વારા ક્રિકેટ વેસ્ટ ઈન્ડિઝ (CWI) અને યુએસએ ક્રિકેટ (USAC) સાથે મળીને આગામી કેટલાક મહિનામાં સ્થળો અંગે અંતિમ નિર્ણય લેવામાં આવશે. તમને જણાવી દઈએ કે આ અઠવાડિયે આયર્લેન્ડ, સ્કોટલેન્ડ અને પાપુઆ ન્યુ ગિનીએ ICCની શરત મુજબ T20 વર્લ્ડ કપ માટે ક્વોલિફાય કર્યું છે.
જ્યારે પાપુઆ ન્યુ ગિની પૂર્વ એશિયા-પેસિફિક ક્વોલિફાયરમાં ટોચ પર છે, આયર્લેન્ડ અને સ્કોટલેન્ડે યુરોપ ઝોન ક્વોલિફાયરમાં ટોચના બે સ્થાનો પર કબજો કર્યો છે. અમેરિકા (એક સ્પોટ), આફ્રિકા (બે સ્પોટ) અને એશિયા (બે સ્પોટ) પ્રદેશોમાંથી ક્વોલિફાયર આગામી મહિનાઓમાં નક્કી કરવામાં આવશે.
તમને જણાવી દઈએ કે યજમાન વેસ્ટ ઈન્ડિઝ અને અમેરિકા સિવાય ભારત, ઈંગ્લેન્ડ, બાંગ્લાદેશ, અફઘાનિસ્તાન, પાકિસ્તાન, ઓસ્ટ્રેલિયા, ન્યુઝીલેન્ડ, શ્રીલંકા, દક્ષિણ આફ્રિકા, નેધરલેન્ડ, આયરલેન્ડ, સ્કોટલેન્ડ અને પાપુઆ ન્યુ ગીનીએ ટી20 વર્લ્ડ કપમાં જગ્યા બનાવી છે. T20 વર્લ્ડ કપમાં કુલ 20 ટીમો ભાગ લેશે. આ ટુર્નામેન્ટ માટે કુલ 15 ટીમો ક્વોલિફાય થઈ છે. હવે માત્ર પાંચ જ જગ્યા બાકી છે.
Click it and Unblock the Notifications
Sign in with Google
