T20 WC: ઇંગ્લેન્ડના બોલરોનો તરખાટ, માત્ર 55 રન બનાવી વેસ્ટ ઇન્ડિઝ ઓલ આઉટ, T20 વર્લ્ડ કપમાં સૌથી ઓછો સ્કોર

ICC T20 વર્લ્ડ કપ 2021નો સુપર-12 રાઉન્ડ આજથી શરૂ થયો છે અને દિવસની બીજી મેચમાં ઈંગ્લેન્ડ અને વેસ્ટ ઈન્ડિઝ આમને-સામને છે. દુબઈ ઈન્ટરનેશનલ સ્ટેડિયમમાં રમાઈ રહેલી આ મેચમાં ઈંગ્લેન્ડના બોલરોની સામે ડિફેન્ડિંગ ચેમ્પિયન વેસ્ટ ઈન્ડિઝની ઈનિંગ્સ માત્ર 55 રનમાં સમેટાઈ ગઈ હતી. આદિલ રશીદ (4/2) ના નેતૃત્વ હેઠળ, ઇંગ્લિશ બોલરોએ સતત વિકેટ લીધી. વેસ્ટ ઈન્ડિઝ માટે કોઈ પણ બેટ્સમેન ક્રિઝ પર લાંબો સમય પસાર કરી શક્યો ન હતો અને એક મોટો શોટ રમવાના પ્રયાસમાં તમામ બેટ્સમેનો આઉટ થઈ ગયા હતા. ક્રિસ ગેલ (13) સિવાય કોઈ પણ બેટ્સમેન ડબલ ફિગરને સ્પર્શી શક્યો નથી. વિન્ડીઝનો દાવ માત્ર 14.2 ઓવર ચાલ્યો હતો. રાશિદ ઉપરાંત મોઈન અલી (2/17) અને તિમલ મિલ્સ (2/17) પણ સફળ રહ્યા હતા.

વેસ્ટ ઈન્ડિઝની ટીમ માત્ર 55 રનમાં આઉટ થઈ ગઈ છે. ટી20 વર્લ્ડ કપમાં વિન્ડીઝ ટીમનો આ સૌથી ઓછો સ્કોર છે જ્યારે ટૂર્નામેન્ટના ઈતિહાસમાં ત્રીજો સૌથી ઓછો સ્કોર છે. અગાઉ ગઈ કાલે શ્રીલંકાએ નેધરલેન્ડને માત્ર 44 રનમાં આઉટ કરી દીધું હતું, જે વર્લ્ડકપનો બીજો સૌથી ઓછો સ્કોર હતો. સૌથી નાના સ્કોરનો અનિચ્છનીય રેકોર્ડ પણ નેધરલેન્ડ્સના નામે છે, જે શ્રીલંકા સામે જ 39 રનમાં સમેટાઇ ગઇ હતી.

English summary

T20 WC: West Indies all out for just 55, lowest score in T20 World Cup