Rinku Singhને T20 World Cup ટીમમાં મળી જગ્યા, બેટથી તબાહી મચાવવા માટે તૈયાર, ગિલનું તૂટ્યું દિલ
T20 World Cup 2026 India Squad Announcement: ભારતીય ક્રિકેટ કંટ્રોલ બોર્ડ (BCCI) ની પસંદગી સમિતિએ આગામી T20 વર્લ્ડ કપ 2026 અને ન્યુઝીલેન્ડ પ્રવાસ માટે 15 સભ્યોની મજબૂત ભારતીય ટીમની જાહેરાત કરી દીધી છે. અજીત અગરકરના નેતૃત્વમાં લેવાયેલા આ નિર્ણયોમાં કેટલાક એવા ફેરફાર જોવા મળ્યા છે જેણે ક્રિકેટ ચાહકોને ચોંકાવી દીધા છે.
ભારત આ વખતે 'ડિફેન્ડિંગ ચેમ્પિયન' તરીકે મેદાનમાં ઉતરશે, જેને ધ્યાનમાં રાખીને યુવા અને અનુભવી ખેલાડીઓનું સંતુલન જાળવવાનો પ્રયાસ કરવામાં આવ્યો છે.
શુભમન ગિલ આઉટ, અક્ષર પટેલને મળી મોટી જવાબદારી
આ જાહેરાતનો સૌથી મોટો આંચકો સ્ટાર ઓપનર શુભમન ગિલ માટે રહ્યો છે. ગિલને ટીમમાં સ્થાન મળ્યું નથી, જે ખરેખર આશ્ચર્યજનક છે. બીજી તરફ, ઓલરાઉન્ડર અક્ષર પટેલ પર પસંદગીકારોએ મોટો ભરોસો મૂક્યો છે. અક્ષર પટેલને ટીમનો નવો વાઈસ કેપ્ટન બનાવવામાં આવ્યો છે. આ નિર્ણય સ્પષ્ટ કરે છે કે ટીમ મેનેજમેન્ટ હવે ઓલરાઉન્ડ ક્ષમતા ધરાવતા ખેલાડીઓને વધુ મહત્વ આપી રહ્યું છે.
રિંકુ સિંહ અને ઈશાન કિશનનું પુનરાગમન
ચાહકો જેની આતુરતાથી રાહ જોઈ રહ્યા હતા તેવા વિસ્ફોટક બેટ્સમેન રિંકુ સિંહની ટીમમાં વાપસી થઈ છે. ફિનિશર તરીકે રિંકુ સિંહ ફરી એકવાર વિરોધી ટીમોના છક્કા છોડાવવા તૈયાર છે. તેમની સાથે જ ઈશાન કિશનને પણ વિકેટકીપર-બેટ્સમેન તરીકે તક આપવામાં આવી છે, જ્યારે જીતેશ શર્માને આ વખતે પડતા મૂકવામાં આવ્યા છે.
બોલિંગની કમાન બુમરાહના ખભા પર
ભારતીય ફાસ્ટ બોલિંગનું નેતૃત્વ ફરી એકવાર જસપ્રીત બુમરાહ કરશે. વર્લ્ડ કપ જેવી મોટી ટૂર્નામેન્ટમાં બુમરાહની ફિટનેસ ભારત માટે સૌથી મહત્વનું પાસું રહેશે. 7 ફેબ્રુઆરીએ અમેરિકા સામેની પ્રથમ મેચ પહેલા ટીમ મેનેજમેન્ટ તેમના વર્કલોડ મેનેજમેન્ટ પર ખાસ ધ્યાન આપી રહ્યું છે.
વર્લ્ડ કપ 2026 માટે ભારતીય સ્ક્વોડ
સૂર્યકુમાર યાદવ (કેપ્ટન), અક્ષર પટેલ (ઉપ-કેપ્ટન), સંજુ સેમસન (WK), અભિષેક શર્મા, તિલક વર્મા, હાર્દિક પંડ્યા, ઈશાન કિશન (WK), શિવમ દુબે, વોશિંગ્ટન સુંદર, હર્ષિત રાણા, જસપ્રીત બુમરાહ, વરુણ ચક્રવર્તી, કુલદીપ યાદવ, અર્શદીપ સિંહ, રિંકુ સિંહ.
Click it and Unblock the Notifications
Sign in with Google
