Team India Schedule 2026: વર્ષ 2026માં આવું રહેશે ટીમ ઈન્ડિયાનું શેડ્યૂલ, વર્લ્ડ કપ ઉપરાંત પણ હશે ઘણી મેચ

Team India Schedule 2026: વર્ષ 2025માં ચેમ્પિયન્સ ટ્રોફી જીત્યા બાદ હવે ભારતીય ટીમ વર્ષ 2026માં નવા પડકારો માટે તૈયાર છે. આ વર્ષે ટીમ ઇન્ડિયા કુલ 5 ટેસ્ટ, 18 વન-ડે અને 25થી વધુ T20 મેચો રમવાની છે. આ વર્ષનું સૌથી મોટું આકર્ષણ ફેબ્રુઆરીમાં યોજાનારો T20 વર્લ્ડ કપ 2026 રહેશે.

વર્ષની શરૂઆત: ન્યૂઝીલેન્ડ સામે ઘરઆંગણે ટક્કર

જાન્યુઆરી મહિનામાં ન્યૂઝીલેન્ડની ટીમ ભારત પ્રવાસે આવશે. જેમાં 3 વન-ડે અને 5 T20 મેચો રમાશે.

• વન-ડે શ્રેણી: 11 જાન્યુઆરી (વડોદરા), 14 જાન્યુઆરી (રાજકોટ) અને 18 જાન્યુઆરી (ઈન્દોર).
• T20 શ્રેણી: 21થી 31 જાન્યુઆરી દરમિયાન નાગપુર, રાયપુર, ગુવાહાટી, વિશાખાપટ્ટનમ અને તિરુવનંતપુરમમાં મેચો રમાશે.

ફેબ્રુઆરી: T20 વર્લ્ડ કપનો રોમાંચ

ફેબ્રુઆરી મહિનામાં ભારત અને શ્રીલંકા સંયુક્ત રીતે T20 વર્લ્ડ કપનું આયોજન કરશે.

• 7 ફેબ્રુઆરી: ભારત vs અમેરિકા (મુંબઈ)
• 15 ફેબ્રુઆરી: ભારત vs પાકિસ્તાન (કોલંબો) - આ વર્ષની સૌથી મોટી ટક્કર.
• ગ્રુપ સ્ટેજમાં નેધરલેન્ડ અને નામિબિયા સામે પણ મેચો રમાશે.

માર્ચ થી મે: તમામ ખેલાડીઓ IPL 2026માં વ્યસ્ત રહેશે.

જૂન થી ઓગસ્ટ: અફઘાનિસ્તાન, ઇંગ્લેન્ડ અને શ્રીલંકા પ્રવાસ

• જૂન: અફઘાનિસ્તાન ભારત આવશે (1 ટેસ્ટ અને 3 વન-ડે).
• જુલાઈ: ટીમ ઈન્ડિયા ઇંગ્લેન્ડ પ્રવાસે જશે. જ્યાં 5 T20 અને 3 વન-ડે મેચો રમાશે.
• ઓગસ્ટ: શ્રીલંકા પ્રવાસ (2 ટેસ્ટ મેચની શ્રેણી).

વર્ષનો અંતિમ તબક્કો: વેસ્ટ ઈન્ડિઝ અને ન્યૂઝીલેન્ડ સામે જંગ

• સપ્ટેમ્બર: અફઘાનિસ્તાન સામે તેમના ઘરે 3 T20 મેચ.
• સપ્ટેમ્બર-ઓક્ટોબર: વેસ્ટ ઈન્ડિઝની ટીમ ભારત આવશે (3 વન-ડે અને 5 T20). આ જ સમયગાળામાં એશિયન ગેમ્સ 2026નું પણ આયોજન થશે.
• ઓક્ટોબર-નવેમ્બર: ટીમ ઈન્ડિયા ન્યૂઝીલેન્ડ જશે (2 ટેસ્ટ, 3 વન-ડે અને 5 T20).
• ડિસેમ્બર: વર્ષનો અંત શ્રીલંકા સામેની ઘરેલું શ્રેણી (3 વન-ડે અને 3 T20) થી થશે.

2026માં ભારતીય ક્રિકેટના મુખ્ય આકર્ષણો

• T20 વર્લ્ડ કપ: ઘરઆંગણે ખિતાબ જીતવાની સુવર્ણ તક.
• વડોદરા અને રાજકોટમાં મેચ: ગુજરાતના ક્રિકેટ ફેન્સ માટે જાન્યુઆરી મહિનો ખાસ રહેશે.
• એશિયન ગેમ્સ: યુવા ખેલાડીઓને પોતાની પ્રતિભા બતાવવાની તક મળશે.

English summary

Explore Team India's 2026 cricket calendar including the ICC T20 World Cup, England tour, and Asian Games. Check dates for India vs Pakistan and NZ series.