ટોરેન્ટ ગ્રુપે 5625 કરોડમાં ગુજરાત ટાઇટન્સનો 67 ટકા હિસ્સો ખરીદ્યો
જાણીતા ટોરેન્ટ ગ્રુપે IPL ટીમ ગુજરાત ટાઇટન્સમાં 67% હિસ્સો મેળવી લીધો છે. આ સાથે ટોરેન્ટ ટીમમાં સૌથી મોટી શેર હોલ્ડર બની છે.
બુધવારે આ ડીલની જાહેરાત કરવામાં આવી, જે માટે BCCI સહિતની પરંપરાગત મંજૂરીઓ જરૂરી છે. ટોરેન્ટે આ હિસ્સો Irelia Company Pte Ltd પાસેથી કબ્જે કર્યો છે, જેને CVC દ્વારા મેનેજ કરવામાં આવે છે.
Irelia કંપની તેના 33% હિસ્સા સાથે ગુજરાત ટાઇટન્સમાં જોડાયેલી રહેશે. CVC એ 2021માં ગુજરાત ટાઇટન્સને INR 5625 કરોડમાં ખરીદી હતી, જ્યારે ટોરેન્ટે તેના બે તૃતિયાંશ હિસ્સા માટે આશરે 5025 કરોડ ચૂકવ્યા છે.
હાલ ગુજરાત ટાઇટન્સની કુલ વેલ્યુ 7500 કરોડ રૂપિયા છે. CVC ને આ ડીલથી રોકાણના 89% વળતર મળ્યુ છે. આ સિવાય ટીમમાં તેના એક-તૃતીયાંશ હિસ્સા સાથે જોડાણ યથાવત રહેશે.
ટોરેન્ટ ગ્રુપના ડિરેક્ટર જિનલ મહેતાએ ફેન્સ માટે નવી તકો શોધવા અને તેમના અનુભવને વધારવા માટે ઉત્સાહ વ્યક્ત કર્યો. CVCના મેનેજિંગ પાર્ટનર સિદ્ધાર્થ પટેલે તેમની સફળ મુદત વિશે વાત કરી, જેમાં ગુજરાત ટાઇટન્સે પહેલી જ સીઝનમાં IPL ટાઇટલ જીત્યું હતું અને બીજી સીઝનમાં રનર્સ-અપ રહ્યા હતા.
Click it and Unblock the Notifications
Sign in with Google
