Video : જીતની ખુશીમાં ફિમેલ એન્કરને ભેટી પડ્યો બુમરાહ, વીડિયો સોશિયલ મીડિયા પર વાયરલ
જસપ્રીત બુમરાહની ધારદાર બોલિંગે ભારતને 17 વર્ષ પછી વર્લ્ડ કપ જીતાડ્યો છે. આ જીત બાદ બુમરાહ એટલો ખુશ જોવા મળ્યો કે ઈન્ટરવ્યૂ વચ્ચે જ એન્કરને ભેટી પડ્યો.
ટીમ ઈન્ડિયાની જીત બાદ ભારતનો મુખ્ય ઝડપી બોલર જસપ્રીત બુમરાહ ઘણો ખુશ જોવા મળ્યો. મેચ બાદ બુમરાહની ખુશી એટલી હદે વધી કે તેણે ઈન્ટરવ્યુ દરમિયાન મહિલા એન્કરને ગળે લગાવી દીધી.
બુમરાહનો મહિલા એન્કરને ગળે લગાવવાનો વીડિયો ઝડપથી વાયરલ થઈ રહ્યો છે. વીડિયોમાં જોઈ શકાય છે કે ઈન્ટરવ્યુ દરમિયાન પહેલા બુમરાહ મહિલા એન્કર સાથે વાત કરે છે, પરંતુ ઈન્ટરવ્યુ પૂરો થતાં જ બુમરાહ મહિલા એન્કરને ગળે લગાવે છે અને બંને હસવા લાગે છે.
જણાવી દઈએ કે, બુમરાહે જેને ઈન્ટરવ્યુ આપ્યો હતો તે મહિલા એન્કરનું નામ સંજના ગણેશન છે અને તે તેની પત્ની છે. બુમરાહની પત્ની સંજના ગણેશન સ્પોર્ટ્સ પ્રેઝેન્ટર છે, જેના કારણે તે વર્લ્ડ કપમાં ખેલાડીઓનો ઈન્ટરવ્યુ લઈ રહી હતી.
સંજનાએ તેના પતિ બુમરાહની મુલાકાત પણ લીધી હતી. ઈન્ટરવ્યુના અંતે બુમરાહ પોતાની ભાવનાઓને કાબૂમાં રાખી શક્યો નહીં અને તેણે ખુશીથી પત્નીને ગળે લગાવી દીધી.
બુમરાહે સાઉથ આફ્રિકા સામે રમાયેલા T20 વર્લ્ડ કપ 2024ની ફાઇનલમાં શાનદાર બોલિંગ કરી હતી. તેણે 4 ઓવરમાં માત્ર 4.50ની ઈકોનોમી પર 18 રન આપ્યા અને 2 મહત્વની વિકેટ લીધી.
બુમરાહે સમગ્ર ટૂર્નામેન્ટમાં 8.27ની શાનદાર એવરેજથી 15 વિકેટ લીધી હતી. આ સમયગાળા દરમિયાન તેણે 4.18ની ઇકોનોમી પર રન આપ્યા. આ શાનદાર પ્રદર્શન માટે તેને પ્લેયર ઓફ ધ ટુર્નામેન્ટ જાહેર કરાયો.
બુમરાહ સમગ્ર સિઝનમાં ટીમ ઈન્ડિયા માટે મહત્વપૂર્ણ સાબિત થયો. દરેક મેચમાં તેણે ટીમ માટે મહત્વની વિકેટ લીધી.
Click it and Unblock the Notifications
Sign in with Google
