WI vs IND : જયસ્વાલ-ગિલની તોફાની પાર્ટનરશીપ, તોડ્યા ઘણા મોટા રેકોર્ડ
WI vs IND : વેસ્ટ ઈન્ડિઝ સામે રમાયેલી ચોથી T20 મેચમાં ટીમ ઈન્ડિયાની તસવીર સુપરહિટ રહી હતી. આ પિક્ચરને સુપરહિટ બનાવવામાં યશસ્વી જયસ્વાલ અને શુભમન ગિલનો મોટો હાથ હતો.
બંનેએ પ્રથમ વિકેટ માટે માત્ર 15.3 ઓવરમાં 165 રનની તોફાની પાર્ટનરશીપ કરી અને કેરેબિયન ટીમને મેચમાંથી સંપૂર્ણ રીતે આઉટ કરી દીધી હતી. યશસ્વી જયસ્વાલ અને શુભમન ગિલ આ ભાગીદારી દરમિયાન ઘણા મોટા રેકોર્ડ પણ તોડી ચુક્યા છે.
યશસ્વી-ગિલની તોફાની બેટિંગ - શુભમન ગિલ અને યશસ્વી જયસ્વાલે 179 રનના લક્ષ્યનો પીછો કરવા ઉતરેલી ભારતીય ટીમને ધમાકેદાર શરૂઆત અપાવી હતી. યશસ્વીએ ઈનિંગના પહેલા જ બોલ પર ચોગ્ગો ફટકારીને પોતાનો ઈરાદો સ્પષ્ટ કરી દીધો હતો. આ સાથે જ ગિલે પણ બીજા છેડેથી એક પછી એક શાનદાર શોટ્સ બનાવ્યા હતા.
છ ઓવરના પાવરપ્લેમાં ટીમ ઈન્ડિયાએ કોઈ પણ વિકેટ ગુમાવ્યા વિના 66 રન બનાવ્યા, જે બાદ ગિલ અને યશસ્વીએ માત્ર 10 ઓવરમાં જ સદીની ભાગીદારી કરી. શુભમન ગિલ 77 રન બનાવીને આઉટ થયો હતો, જ્યારે યશસ્વી જયસ્વાલ 84 રન બનાવીને અણનમ પરત ફર્યો હતો.
બીજી સૌથી મોટી ભાગીદારી - યશસ્વી જયસ્વાલ અને શુભમન ગીલે પ્રથમ વિકેટ માટે 165 રનની ભાગીદારી કરી હતી. ગિલ-યશસ્વીની આ ભાગીદારી T20 આંતરરાષ્ટ્રીયમાં ભારત માટે સંયુક્ત બીજી સર્વોચ્ચ ભાગીદારી પણ છે.
યશસ્વી અને ગિલ પહેલા કેએલ રાહુલ અને રોહિત શર્માએ 2017માં શ્રીલંકા સામે પ્રથમ વિકેટ માટે 165 રન જોડ્યા હતા. ભારત માટે T20 ઈન્ટરનેશનલમાં સૌથી મોટી ભાગીદારીનો રેકોર્ડ દીપક હુડા અને સંજુ સેમસનના નામે છે, જેમણે 2022માં આયર્લેન્ડ સામે 176 રન જોડ્યા હતા.
ટીમ ઈન્ડિયાએ કરી સિરીઝ બરાબરી - ચોથી T20 ઈન્ટરનેશનલ મેચમાં જીત સાથે ભારતીય ટીમે હવે પાંચ મેચની સિરીઝ 2-2 થી બરાબર કરી લીધી છે. પ્રથમ બે મેચમાં હારનો સામનો કર્યા બાદ ટીમ ઈન્ડિયાએ હાર્દિક પંડ્યાના નેતૃત્વમાં ત્રીજી ટી20 જીતી હતી. સિરીઝની છેલ્લી મેચ રવિવારના રોજ રમાશે.
Click it and Unblock the Notifications
Sign in with Google
