IND vs ENG, World Cup 2023: આજે વિનિંગ સિક્સ ફટકારી શકે છે ભારત, જાણો પિચ રિપોર્ટ

IND vs ENG, World cup 2023: વન ડે વર્લ્ડ કપમાં ભારત પોતાની છઠ્ઠી ગૃપ સ્ટેજની મેચ રમશે, જેમાં તે ઈંગ્લેન્ડ સામે ટકરાશે. આ દરમિયાન ભારત દક્ષિણ આફ્રિકાને પાછળ છોડીને ટોચ પર પહોંચવા માટે સતત છઠ્ઠી જીતની આશા રાખશે.

વિશ્વ કપમાં સતત પાંચ મેચ જીતવાના કારણે ટીમ ઈન્ડિયા રમતના દરેક ક્ષેત્રમાં મજબૂત છે. સતત પાંચ જીતના કારણે ખેલાડીઓનો આત્મવિશ્વાસ અને મનોબળ વધ્યું છે. આ સાથે જ સતત ખરાબ પ્રદર્શનથી પીડાઈ રહેલ ઈંગ્લેન્ડને પુનરાગમનની આશા રહેશે.

લખનઉમાં આજે કેવું રહેશે હવામાન? - લખનઉનું હવામાન પણ ભારતની સતત છઠ્ઠી જીતમાં મહત્વની ભૂમિકા ભજવવા જઈ રહ્યું છે, કારણ કે ધર્મશાલામાં ન્યૂઝીલેન્ડ સામેની ભારતની છેલ્લી મેચમાં મેદાન પર વાદળો છવાઈ જવાને કારણે રમતને થોડો સમય રોકવી પડી હતી. આજે વરસાદની ન્યૂનતમ શક્યતાઓ સાથે દિવસભર હવામાન સ્વચ્છ રહેવાની ધારણા છે.

મેચ દરમિયાન વાદળછાયું આકાશ રહેવાની શક્યતા - લખનઉમાં આજે દિવસ દરમિયાન તાપમાન 33 ડિગ્રી સુધી જશે અને સાંજે 26 ડિગ્રી સેલ્સિયસની આસપાસ રહેવાની શક્યતા છે. સાંજે ઝાકળ પડશે. વરસાદની શક્યતા ઓછી છે. જોકે, વાદળછાયું આકાશ રહેવાની સંભાવના છે.

એકના સ્ટેડિયમની પીચ રિપોર્ટ - લખનઉનું એકના સ્ટેડિયમ સ્પિનર્સ માટે ખૂબ જ મદદરૂપ છે. મોટે ભાગે લો સ્કોરિંગ મેચો અહીં જોવા મળે છે. ઝડપી બોલરોને વિકેટ લેવામાં થોડી તકલીફ પડી શકે છે. બેટ્સમેનોને ઇનિંગ્સની શરૂઆતમાં ઘણી મદદ મળે છે. આ વર્લ્ડ કપમાં

અત્યાર સુધી અહીં 3 મેચ રમાઈ છે. આ દરમિયાન દક્ષિણ આફ્રિકાએ ઓસ્ટ્રેલિયાને 134 રને, ઓસ્ટ્રેલિયાએ શ્રીલંકાને 5 વિકેટથી અને શ્રીલંકાએ નેધરલેન્ડને 5 વિકેટથી હરાવ્યું હતું.

ભારતની સંભવિત પ્લેઈંગ ઈલેવન - રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), સૂર્યકુમાર યાદવ, રવિન્દ્ર જાડેજા, જસપ્રિત બુમરાહ, કુલદીપ યાદવ, મોહમ્મદ શમી, મોહમ્મદ સિરાજ

ઈંગ્લેન્ડની સંભવિત પ્લેઈંગ ઈલેવન - જોની બેરસ્ટો, ડેવિડ મલાન, જો રૂટ, બેન સ્ટોક્સ, જોસ બટલર (કેપ્ટન), લિયામ લિવિંગસ્ટોન, મોઈન અલી, ક્રિસ વોક્સ, ડેવિડ વિલી, આદિલ રશીદ, માર્ક વુડ

English summary

Will India hit a six to win today in the World Cup 2023? Know IND vs ENG pitch report of Ekana Stadium