Asia Cup Final: ભારત-શ્રીલંકા વચ્ચે રમાશે મેચ, અહી જોઇ શકાશે લાઇવ પ્રસારણ

મહિલા એશિયા કપની ફાઇનલમાં ભારત અને શ્રીલંકા સામસામે ટકરાશે. જો કે ભારતીય ટીમ એશિયા કપનો ખિતાબ જીતવા માટે પ્રબળ દાવેદાર માનવામાં આવે છે. શ્રીલંકાની દાવેદારી પણ નબળી નથી, કારણ કે શ્રીલંકાની ટીમે સેમિફાઇનલમાં પાકિસ્તાન જેવી મજબૂત ટીમને હરાવીને ફાઇનલમાં પ્રવેશ કર્યો છે. ભારતે પ્રથમ સેમિફાઇનલમાં થાઇલેન્ડને હરાવ્યું હતું.

પાંચમી વખત સામ સામે હશે ભારત શ્રીલંકા

તમને જણાવી દઈએ કે જો શ્રીલંકા ફાઇનલમાં ભારતને હરાવશે તો 14 વર્ષ બાદ આ ટાઈટલ તેના નામે થઈ જશે. બીજી તરફ જો ભારત ફાઈનલ જીતશે તો તે તેનું આઠમું ટાઈટલ હશે. એશિયા કપની ફાઇનલમાં ભારત અને શ્રીલંકા પાંચમી વખત સામસામે ટકરાશે. આ પહેલા ભારતે ચારેય મેચ જીતી છે. 2004માં જ્યારે એશિયા કપ શરૂ થયો ત્યારે ભારત અને શ્રીલંકા પહેલા જ ફાઈનલમાં હતા અને ભારતે તે મેચ જીતી હતી.

ક્યાં જોઇ શકશો મેચ?

એશિયા કપ 2022ની ફાઇનલમાં ભારત-શ્રીલંકા મેચનું સ્ટાર સ્પોર્ટ્સ નેટવર્ક પર જીવંત પ્રસારણ કરવામાં આવશે. મેચનું લાઈવ પ્રસારણ Star Sports 2 અને Star Sports 2 HD ચેનલો પર બપોરે 1 વાગ્યે શરૂ થશે. આ સિવાય મેચનું લાઈવ સ્ટ્રીમિંગ Disney+ Hotstar પર પણ લાઇવ રહેશે. આ મેચ બાંગ્લાદેશના સિલ્હેટ ઈન્ટરનેશનલ સ્ટેડિયમમાં રમાશે.

ભારત અને શ્રીલંકા વચ્ચે હેડ ટુ હેડ

ભારત અને શ્રીલંકાની ટીમો આંતરરાષ્ટ્રીય સ્તરે 22 મેચ રમી છે જેમાંથી ટીમ ઈન્ડિયાએ 14 મેચ જીતી છે અને શ્રીલંકાએ 4 મેચ જીતી છે. એક મેચનું પરિણામ નથી. એશિયા કપમાં પણ ભારતે શ્રીલંકા સામે ત્રણ મેચ જીતી છે. ભારત અને શ્રીલંકા વચ્ચેની મેચમાં ટાર્ગેટનો પીછો કરનારી ટીમે વધુ વખત મેચ જીતી છે. ભારતે ટાર્ગેટનો પીછો કરતા 22માંથી 12 મેચ જીતી છે.

English summary

Women's Asia Cup Final, India Vs Sri Lanka, Head to Head