IND vs BAN, World Cup 2023: વરસાદ બનશે વિલન, ધોવાઇ શકે છે ભારત-બાંગ્લાદેશની મેચ
IND vs BAN, World Cup 2023: વન ડે વિશ્વ કપની 17મી મેચમાં ભારત અને બાંગ્લાદેશની ટીમ વચ્ચે મેચ રમાશે. પૂણેના મહારાષ્ટ્ર ક્રિકેટ એસોસિએશન ગ્રાઉન્ડમાં રમાશે. આ મેચ પર વરસાદ વિધ્ન બની શકે છે. આ મેચ આજે બપોરે બે કલાકે શરૂ થશે.
મેચ શરૂ થવાના એક દિવસ પહેલા જ પૂણેમાં વરસાદ પડ્યો હતો. અરબી સમુદ્રમાં ચક્રવાત સર્જાવાની સંભાવના છે. તેને તેજ નામ આપવામાં આવ્યું છે. આ ચક્રવાતને કારણે પૂણેનું હવામાન બદલાઈ ગયું છે.
રોહિત શર્માની આગેવાની હેઠળની ભારતે તેમની વર્લ્ડ કપ 2023 મેચોમાં ત્રણ પ્રભાવશાળી જીત નોંધાવી છે. ભારત અત્યારે પોઈન્ટ ટેબલમાં બીજા સ્થાને છે. તેની પ્રથમ મેચમાં તેણે પાંચ વખતની વર્લ્ડ કપ ચેમ્પિયન ઓસ્ટ્રેલિયાને છ વિકેટથી હરાવ્યું હતું.
બીજી મેચમાં, તેઓએ અફઘાનિસ્તાનને આઠ વિકેટથી હરાવ્યું અને ત્રીજી મેચમાં, તેઓએ કટ્ટર હરીફ પાકિસ્તાનને સાત વિકેટથી હરાવ્યું, જે વિશ્વ કપની મેચમાં આ ટીમ સામે ભારતની આઠમી જીત હતી.
આ દરમિયાન, શાકિબ અલ હસનની આગેવાની હેઠળના બાંગ્લાદેશે અફઘાનિસ્તાનને છ વિકેટે હરાવીને તેમના વિશ્વ કપ 2023 અભિયાનની શરૂઆત કરી હતી.
364 રનના ટાર્ગેટનો પીછો કરવામાં નિષ્ફળ રહ્યા બાદ ટીમ તેની બીજી મેચ ડિફેન્ડિંગ ચેમ્પિયન ઈંગ્લેન્ડ સામે હારી ગઈ હતી. ત્રીજી મેચમાં વધુ સારા પ્રદર્શન છતાં બાંગ્લાદેશને ન્યુઝીલેન્ડના હાથે હારનો સામનો કરવો પડ્યો હતો.
ભારત અને બાંગ્લાદેશ ODI ફોર્મેટ ક્રિકેટમાં 40 વખત ટકરાયા છે. જેમાંથી ભારતે 31માં જીત મેળવી છે, બાંગ્લાદેશે માત્ર આઠ મેચ જીતી છે અને એક મેચ પરિણામ વિના સમાપ્ત થઈ છે. બાંગ્લાદેશે ભારત સામેની છેલ્લી પાંચ વનડેમાંથી ત્રણમાં જીત મેળવી છે.
બંને ટીમો વચ્ચે છેલ્લી મુકાબલો એશિયા કપ 2023ના સુપર ફોર સ્ટેજમાં થયો હતો, જ્યાં બાંગ્લાદેશ છ રનથી જીત્યો હતો. બાંગ્લાદેશે 2022ની ત્રણ મેચની વનડે શ્રેણીમાં ભારતને 2-1થી હરાવ્યું હતું.
કેવી છે પૂણેની પિચની હાલત? - મહારાષ્ટ્ર ક્રિકેટ એસોસિએશન સ્ટેડિયમની પીચ બેટ્સમેનો માટે મદદરૂપ છે. આખી મેચ દરમિયાન અહીં રન બનાવવા ખૂબ જ સરળ છે. આ પીચમાં સામાન્ય ઉછાળો અને ગતિ છે અને મોટા શોટ સરળતાથી ફટકારી શકાય છે.
મેદાન પણ ખૂબ નાનું છે, જેના કારણે સ્પિન બોલરો સામે ઘણા રન બને છે. અહીં સૌથી વધુ સ્કોર (356/2) ભારતે 2017માં ઈંગ્લેન્ડ સામે બનાવ્યો હતો. સૌથી ઓછો સ્કોર પણ ભારતે 2013માં ઓસ્ટ્રેલિયા સામે (232 રન) બનાવ્યો હતો.
હવામાન કેવું રહેશે - હવામાન વિભાગની આગાહી અનુસાર, ભારત અને બાંગ્લાદેશ મેચ દરમિયાન વરસાદની કોઈ શક્યતા નથી. વરસાદની સંભાવના એકથી ચાર ટકા છે અને મહત્તમ તાપમાન 33 ડિગ્રી સેલ્સિયસ રહેશે.
ચક્રવાત તેજની અસરને કારણે અહીં વરસાદ પડી શકે છે. બુધવારે સાંજે પણ અહીં વરસાદ પડ્યો હતો. જો વાવાઝોડાની અસર જોવા મળે તો આખી મેચ ધોવાઈ શકે છે અને અહીં જોરદાર પવન પણ ફૂંકાઈ શકે છે.
Click it and Unblock the Notifications
Sign in with Google
