World Cup 2023: વર્લ્ડ કપ મેચ પહેલા ટીમ ઈન્ડિયાને લાગ્યો ઝટકો, ડેંગ્યુનો શિકાર થયો આ સ્ટાર બેટ્સમેન
Shubman Gill Dengue Positive: ફોર્મમાં ચાલી રહેલા શુભમન ગિલની તબિયત ખરાબ થવાના કારણે ઑસ્ટ્રેલિયા સામેની વર્લ્ડ કપની શરૂઆતની મેચ પહેલા ભારતીય ટીમની ચિંતામાં વધારો થઈ ગયો છે અને રવિવારની મેચ માટે બેટ્સમેન શંકાસ્પદ છે. ગિલ આઉટ થવાના કિસ્સામાં, ઇશાન કિશન ઓપનિંગ માટે લાઇનમાં હોઈ શકે છે.
ઓડીઆઈમાં ભારતના સૌથી શાનદાર બેટ્સમેન ગિલ કથિત રીતે હાઈ ફિવર છે અને આ બાબતે અંતિમ નિર્ણય લેવામાં આવે તે પહેલા શુક્રવારે ડેન્ગ્યુ માટે તેનું પરીક્ષણ કરવામાં આવશે. ટીમના ઘટનાક્રમથી વાકેફ બીસીસીઆઈના એક સૂત્રએ પીટીઆઈને જણાવ્યું કે, 'ચેન્નાઈમાં ઉતર્યા બાદ શુભમનને સખત તાવ છે, ત્યારબાદ તેના ટેસ્ટ કરવામાં આવી રહ્યા છે.
શુક્રવારે તેના કેટલાક વધુ ટેસ્ટ થશે, ત્યાર બાદ જ તેની શરૂઆતની મેચમાં ભાગ લેવાનો નિર્ણય લેવામાં આવશે. અહેવાલ અનુસાર, ગિલનો ડેન્ગ્યુ માટે ટેસ્ટ કરવામાં આવી રહ્યો છે અને તેથી તે કેટલીક મેચો રમી શકશે નહીં. ડેન્ગ્યુના દર્દીઓની શારીરિક રિકવરી અલગ-અલગ હોય છે અને તેમને સાજા અને સંપૂર્ણ સ્વસ્થ થવામાં સામાન્ય રીતે લગભગ 7-10 દિવસ લાગે છે. આ સંદર્ભમાં વધુ માહિતી આપતાં સૂત્રએ કહ્યું, 'જો તે સામાન્ય વાયરલ તાવ હોય તો તે એન્ટિબાયોટિક્સ લઈ શકે છે, પરંતુ તે સંપૂર્ણપણે તબીબી ટીમનો નિર્ણય છે.'
ગિલે આ વર્ષની શરૂઆતમાં ન્યૂઝીલેન્ડ સામે શાનદાર બેવડી સદી ફટકારી હતી. વેસ્ટ ઈન્ડિઝના પ્રવાસ દરમિયાન સામાન્ય ઘટાડા સિવાય, તેણે અવિશ્વસનીય સાતત્ય દર્શાવ્યું છે. તે ઈન્ડિયન પ્રીમિયર લીગ 2023માં 890 રન સાથે સૌથી વધુ રન બનાવનાર ખેલાડી હતો અને તાજેતરના એશિયા કપમાં 302 રન સાથે બેટિંગ ચાર્ટમાં ટોચ પર હતો. છેલ્લી કેટલીક ઇનિંગ્સમાં તેનો સ્કોર 104, 74, 27*, 121, 19, 58 અને 67* રહ્યો છે.
વર્લ્ડ કપની તૈયારીમાં ભારતીય ટીમમાં અનિશ્ચિતતાનું વાતાવરણ છે કારણ કે તેના ઘણા સ્ટાર ખેલાડીઓ ઈજાઓ બાદ પરત ફરી રહ્યા છે. લાંબા સમય બાદ જસપ્રીત બુમરાહ, કેએલ રાહુલ અને શ્રેયસ અય્યર ટીમમાં પરત ફર્યા છે. એશિયા કપ દરમિયાન પણ સ્પિનર અક્ષર પટેલ ઈજાગ્રસ્ત થયો હતો અને તેના સ્થાને રવિચંદ્રન અશ્વિનને વર્લ્ડ કપની ટીમમાં સામેલ કરવામાં આવ્યો છે.
Click it and Unblock the Notifications
Sign in with Google
