World Cup Today's Match: વર્લ્ડ કપ 2023માં આજે કોની મેચ છે - ભારત વિ. બાંગ્લાદેશ
India Vs Banglades, 17th Match: વર્લ્ડ કપમાં આજે ભારતનો મુકાબલો બાંગ્લાદેશ સામે છે. આ સ્થિતિમાં ભારત સામે સૌથી મોટો પડકાર એ છે કે 2022થી ભારતીય બેટ્સમેનોએ બાંગ્લાદેશ સામે તેમની મોટાભાગની વિકેટ લેફ્ટ આર્મ સ્પિન બોલરોને આપી છે.
ભારતના 42 બેટ્સમેન બાંગ્લાદેશના લેફ્ટ આર્મ સ્પિન બોલરોનો શિકાર બન્યા છે. 21 વિકેટ લેગ સ્પિનરને અને 24 વિકેટ ઓફ સ્પિનરને આપવામાં આવી છે. બાંગ્લાદેશના આ આંકડાથી શાકિબ અલ હસન ઘણો ખુશ થશે.
જો કે, બાંગ્લાદેશનો કેપ્ટન શાકિબ અલ હસન આજે રમશે કે નહિ તેની ખાતરી નથી. વાસ્તવમાં, તેના ડાબા પગમાં ખેંચાણ થયુ હતુ, બાંગ્લાદેશ ટીમ મેનેજમેન્ટે હજુ સુધી તેના વિશે સ્પષ્ટ કંઈ કહ્યું નથી.
આજની મેચ મહારાષ્ટ્ર ક્રિકેટ એસોસિએશન, પુણે ખાતે બપોરે 2 વાગે રમાશે. અહીંની પીચ બેટ્સમેનો માટે ઘણી સારી માનવામાં આવે છે. અહીં ચક્રવાતની ચેતવણી આપવામાં આવી છે, તેથી અહીં હવામાન ચોક્કસપણે થોડું ઠંડું હોઈ શકે છે. પરંતુ મેચમાં કોઈપણ પ્રકારના વિક્ષેપની અપેક્ષા નથી.
પુણેના સ્ટેડિયમની બાઉન્ડ્રી ઘણી નાની છે. આવી સ્થિતિમાં ભારત અહીં વધારાના સ્પિનર નહીં રમાડે. એવું માનવામાં આવે છે કે ભારતીય ટીમ 14 ઓક્ટોબરે પાકિસ્તાન સામેની પ્લેઈંગ 11 જ રહેશે.
ટીમ ઈન્ડિયા સંભવિત પ્લેઈંગ 11
રોહિત શર્મા, શુભમન ગિલ, વિરાટ કોહલી, શ્રેયસ ઐયર, કેએલ રાહુલ, હાર્દિક પંડ્યા, રવિન્દ્ર જાડેજા, શાર્દુલ ઠાકુર, કુલદીપ યાદવ, જસપ્રિત બુમરાહ, મોહમ્મદ સિરાજ
બાંગ્લાદેશની વાત કરવામાં આવે તો હજુ પણ કેપ્ટન શાકિબ અલ હસન વિશે હજુ પણ શંકા છે. આવી સ્થિતિમાં તંજીદ હસનને ટીમમાં જગ્યા મળી શકે છે. તેમજ મેહદી હસન મિરાજ પણ ઓપનિંગ કરી શકે છે.
બાંગ્લાદેશ સંભવિત પ્લેઈંગ 11
લિટન દાસ, તંજીદ તમીમ, મહેંદી હસન મિરાજ, નઝમુલ હુસૈન શાંતો, શાકિબ અલ હસન, મુસ્તફિકુર રહીમ, તૌહીદ હૃદય, મહમુદુલ્લાહ, તસ્કીન અહેમદ, મુસ્તફિઝુર રહેમાન, શોરીફુલ ઈસ્લામ.
Click it and Unblock the Notifications
Sign in with Google
