બારમાં મારપીટ બાદ વોર્નર ટીમમાંથી બહાર
માનવામાં આવી રહ્યું છે કે, વોર્નરે ઇંગ્લેન્ડના જે ખેલાડી સાથે મારપીટ કરી છે, તે રૂટ હચો. ક્રિકેટ ઓસ્ટ્રેલિયાએ જારી કરેલા એક નિવેદન અનુસાર ક્રિકેટ ઓસ્ટ્રેલિયાએ સીએ આચાર સંહિતાનું ઉલ્લઘનના અહેવાલ આવ્યા બાદ ઓસ્ટ્રેલિયન બેટ્સમેન ડેવિડ વોર્નરને ઓસ્ટ્રેલિયાની ન્યુઝીલેન્ડ સામેની મેચમાંથી બહાર કરી દીધો છે.
વોર્નરને નિયમ છેના ઉલ્લંઘન અંતર્ગત અહેવાલમાં કહેવામાં આવ્યુ છે કે એ અશોભનીય વ્યવહાર સાથે સંબંધિત છે. તેમની ઇંગ્લેન્ડના ખેલાડી સાથે રવિવારે બન્ને ટીમો વચ્ચે રમાયેલી મેચ બાદ કથિત રીતે બોલાચાલી થઇ હતી જે બાદમાં મારપીટ સુધી પહોંચી ગઇ હતી.
ઇંગ્લેન્ડ અને વેલ્સ ક્રિકેટ બોર્ડ (ઇસીબી)એ પણ આ ઘટના પર નીવેદન જારી કર્યું છે, પરંતુ તેમણે પોતાના ખેલાડી રૂટનું નામ લીધું નથી. ઇસીબીએ જો કે કહ્યું છે કે, વોર્નરે કોઇપણ પ્રકારની ઉશ્કેરણી વગર જ હુમલો કર્યો હતો. ઓસ્ટ્રેલિયન ટીમ શરૂઆતી મેચમાં ઇંગ્લેન્ડ સામે 48 રનથી હારી ગઇ હતી. આ ઘટના દારૂના નશામાં બર્મિંગહામ બારમાં થઇ હતી.
ઇસીબીએ કહ્યું કે, આજે સવારે ક્રિકેટ ઓસ્ટ્રેલિયા દ્વારા જારી કરવામાં આવેલા નિવેદન બાદ ઇસીબીએ પૃષ્ટિ કરતા કહ્યું છેકે ઇંગ્લેન્ડની ઓસ્ટ્રેલિયા પર 48 રનની જીત બાદ ડેવિડ વોર્નરે બર્મિંગહામ બારમાં ઇંગ્લેન્ડ ટીમના સભ્ય સાથે કોઇપણ પ્રકારની ઉશ્કેરણી વગર મારપીટ કરી હતી.
તેમના જણાવ્યાનુસાર, વોર્નરે અનુચિત વ્યવહાર કરવાની વાતનો સ્વિકાર કર્યો છે અને તેમણે આ ઘટનામા સામેલ ખેલાડીની માફી માંગી લીધી છે, જેનો સ્વિકાર પણ કરી લેવામાં આવ્યો છે. ઇંગ્લેન્ડ ટીમ પ્રબંધનની પૂરી તપાસ બાદ જાણવા મળ્યુ છે કે, ઇંગ્લેન્ડનો ખેલાડી મારપીટમાં જરા પર જવાબદાર નથી.