ટી20 ક્રિકેટમાં સૌથી શિકાર કરનાર વિકેટકીપર્સઃ ધોની બીજા ક્રમે

Published: Monday, September 29, 2014, 12:57 [IST]

હાલ ભારતમાં ચેમ્પિયન્સ ટી20 લીગ રમાઇ રહી છે અને ભારતીય ટીમો સારો દેખાવ કરી રહી છે, વ્યક્તિગત દેખાવ પર વાત કરીએ તો ટી20 ક્રિકેટમાં એક વિકેટ કીપર તરીકે ધોની સૌથી વધુ શિકાર કરનાર વિશ્વનો બીજો વિકેટ કીપર બની ગયો છે. જેમા તેણે પકડેલા કેચ અને સ્ટમ્પિંગ સામેલ છે. આ યાદીમાં તમામ પ્રકારની ટી20નો સમાવેશ કરવામાં આવ્યો છે.

ધોનીએ કરેલા શિકાર અંગે વાત કરીએ તો 27 સપ્ટેમ્બરના રોજ બેંગ્લોરના એમ ચિન્નાસ્વામી સ્ટેડિયમ ખાતે રમાયેલી પર્થ સ્કોર્ચર્સ સામેની મેચ દરમિયાન આશિષ નહેરાની ઓવરમાં ક્રેગ સિમોન્સને સ્ટમ્પ આઉટ કરતાની સાથે જ તે કુમાર સંગાકારાના રોકેર્ડ પાર કરી ગયો હતો. આ મેચમાં ચેન્નાઇ સુપર કિંગ્સે 155 રન બનાવ્યા હતા, પરંતુ આર અશ્વિને લીધેલી 20માં 3 વિકેટની મદદથી પર્થ સ્કોર્ચર્સ 142 રન જ બનાવી શક્યું હતું.

ટી20ના સૌથી સફળ વિકેટ કીપરની યાદીમાં ટોચ પર પાકિસ્તાનનો કામરાન અકમલ છે. તેણે અત્યારસુધી 151 શિકાર કર્યા છે. આ યાદીમાં ધોની સિવાય માત્ર એક જ ભારતીય વિકેટ કીપર છે, દિનેશ કાર્તિક. જે યાદીમાં પાંચમા ક્રમે છે, તો ચાલો તસવીરો થકી જાણીએ એ ટોપ 10 વિકેટ કીપર્સ કોણ છે, જેણે સૌથી વધુ શિકાર ટી20માં કર્યા છે.