'ક્રિકેટની લોકપ્રિયતા માટે હિન્દી કોમેન્ટ્રી જરૂરી'
આ સાથે જ કપિલ દેવ હિન્દી કોમેન્ટેટર તરીકે પોતાની કારકિર્દીની શરૂઆત કરી છે. નોંધનીય છે કે ભારત અને ઇંગ્લેન્ડ શ્રેણીની તમામ મેચોનો આંખો દેખો હાલ હિન્દીમાં સંભળાવશે. કપિલે આ અંગે કહ્યું કે મને ઘણુ સારુ લાગી રહ્યું છે કે ચેનલે હિન્દી ભાષાનું મહત્વ ઓળખ્યું છે અને જો હિન્દુસ્તાનમાં ક્રિકેટને જીવંત રાખવું છે હિન્દી કોમેન્ટ્રી હોવી જરૂરી છે કે પહેલા માત્ર મહાનગરોમાં રમાતી રમત હવે ભારતના ગામડાઓમાં પણ રમાઇ રહી છે.
કપિલનું કહેવું છે કે ભારતીય ટીમના સુકાની મહેન્દ્ર સિંહ ધોની ઝારખંડના છે, હરભજન સિંહ જલંધર અને ઝહીર ખાન શ્રીરામપુર જેવા નાના શહેરમાંથી આવે છે.
કપિલ સાથે કોમેન્ટ્રી બોક્સમાં પોતાના મઝાકિયા અંદાજ માટે જાણીતા પૂર્વ ક્રિકેટ ખેલાડી નવજોત સિંહ સિદ્ધુ પણ હશે. સિદ્ધુ હાલ બિગ બોસમાંથી બહાર આવ્યા છે અને એવુ કહેવામાં આવે છે કે ગુજરાતમાં થનારા વિધાનસભાની ચૂંટણીમાં ભાજપ માટે પ્રચાર કરી શકે છે. જો કે, આ વાતોનું ખંડન સિદ્ધુએ કર્યું છે અને કહ્યું છે કે નરેન્દ્ર મોદીને ચૂંટણી પ્રચાર માટે મારી આવશ્યકતા નથી.