IND vs SA : અર્શદિપ-આવેશ સામે સાઉથ આફ્રિકા ઢેર, ભારતની આશાન જીત

By Desk

Updated: Sunday, December 17, 2023, 21:36 [IST]

ભારત અને દક્ષિણ આફ્રિકા વચ્ચે રમાઈ રહેલા વન ડે સિરીઝના પહેલા મુકાબલામાં ભારતે આશાન જીત સાથે સિરીઝમાં સરસાઈ મેળવી લીધી છે.

ટોસ જીતીને બેટિંગ માટે ઉતરેલી સાઉથ આફ્રિકાની ટીમ કોઈ ગલી ક્રિકેટની જેમ વિખેરાતી જોવા મળી. ટીમ પુરી 30 ઓવર પણ ન રમી શકી અને 116 રન બનાવીને તમામ બેટ્સમેન પેવેલિયન પરત ફર્યા.

ભારતના બોલરોએ ફરીથી તેની ઘાતક બોલિંગથી તમામને ચૌકાવ્યા અને વિરોધી ટીમને પત્તાના મહેલની જેમ ધરાસાઈ કરી દીધી. આફ્રિકાએ શરૂઆતથી જ વિકેટો ગુમાવી અને ઓલઆઉટ થઈ ગઈ.

ભારત તરફથી અર્શદિપ સિંહ અને આવેશ ખાન હુકમના એક્કા સાબિક થયા અને બન્નેએ આફ્રિકન ટીમને સસ્તામાં ઓલઆઉટ કરવામાં સૌથી મોટો ફાળો આવ્યો.

આ ઈનિંગમાં અર્શદિપ સિંહે 5 અને આવેશ ખાને 4 વિકેટ ઝડપી. આ સિવાય એક વિકેટ કુલદીપ યાદવના ખાતામાં આવી. આમ સાઉથ આફ્રિકાની ટીમ 27.3 ઓવરમાં 116 રન જ બનાવી શકી.

બીજી તરફ ભારતીય ટીમ બેટિંગ માટે ઉતરી તો શરૂઆતમાં ઋતુરાજ ગાયકવાડના રૂપમાં પહેલો ઝટકો લાગ્યો. જો કે આ પછી દક્ષિણ આફ્રિકી બોલરો વિકેટ લેવામાં નિષ્ફળ રહ્યા અને ભારતીય ટીમે 8 વિકેટે આશાન જીત મેળવી લીધી.

ભારત તરફથી શ્રેયસ અય્યર અને સાઈ સુદર્શને શાનદાર બેટિંગ કરતા અડધી સદી ફટકારી. અય્યર અને સાઈ સુદર્શનને અનુક્રમે 52 અને 55 રનની ઈનિંગ રમી. આમ ભારતે આ મેચને માત્ર 16.4 ઓવરમાં મેચ પોતાના નામે કરી લીધી.