કોલકતાની ધરતી પર અંગ્રેજોને પરાસ્ત કરવા ટીમ ઇન્ડિયા તૈયાર

By Super

Updated: Monday, February 16, 2015, 11:44 [IST]

કોલકતા, 4 ડિસેમ્બરઃ મુંબઇ ખાતે રમાયેલી ટેસ્ટ શ્રેણીની બીજી ટેસ્ટમાં ઇંગ્લેન્ડ સામે કારમા પરાજયનો સામનો કરવાના કારણે ટીમ ઇન્ડિયાએ દેશભરમાંથી ક્રિકેટ ચાહકો અને સમિક્ષકોની આકરી ટીકાનો સામનો કર્યો હતો. જો કે, કોલકતાના ઇડન ગાર્ડન ખાતે 5મી ડિસેમ્બરે રમાનારી ટેસ્ટ શ્રેણીની ત્રીજી ટેસ્ટ માટે ટીમ ઇન્ડિયાના ખેલાડીઓએ કમર કસી લીધી છે.

ઇડન ગાર્ડન ખાતે મેદાન પર આકરી મહેનત કરી રહેલાં ટીમ ઇન્ડિયાના ધુંરધરો તસવીરોમાં કેદ થઇ ગયા હતા. મુંબઇ હાર પછી સતત ટીકાઓનો સામનો કરી રહેલા માસ્ટર બ્લાસ્ટર સચિન તેંડુલકર, વિરેન્દ્ર સેહવાગ, યુવરાજ સિંહ સહિત યુવા ખેલાડીઓ મહેનત કરતા જોવા મળી રહ્યાં હતા.

અત્રે એ વાત નોંધનીય છે કે, સતત નિષ્ફળ જઇ રહેલા સચિન તેંડુલકર પર વિશ્વભરમાંથી ક્રિકેટ ચાહકોની નજર રહેશે. ખાસ કરીને આ મેચમાં તે તેના ટીકાકારોને જવાબ આપશે અને તેનામાં હજુ પણ ક્રિકેટ રહેલું છે તે વાતનો પુરાવો આપવા પ્રયત્ન કરશે. તો વિરેન્દ્ર સેહવાગ પોતાના ફોર્મને પરત મેળવીને વિરોધીઓના મોઢે તાળા લગાવવા ઇચ્છશે. તસવીરોમાં જોઇએ પ્રેક્ટિસ કરી રહેલી ટીમ ઇન્ડિયા.

યુવા ક્રિકેટર્સ સાથે યુવરાજ

ભારતીય ક્રિકેટર્સ યુવરાજ સિંહ, વિરાટ કોહલી, અશોક ડિંડા અને ચેતેશ્વર પૂજારા ત્રીજી ટેસ્ટ પહેલાં પ્રેક્ટિસ કરી રહ્યાં હતા.

પ્રેક્ટિસ સેશનમાં સચિન

ઇડન ગાર્ડન ખાતે પ્રેક્ટિસ સેશન દરમિયાન બેટિંગ કરી રહેલો સચિન તેંડુલકર.

યુવરાજની આકરી મહેનત

યુવરાજ સિંહે ઇડન ગાર્ડન ખાતે પ્રેક્ટિસ સેશન દરમિયાન આકરી મહેનત કરી હતી. તે ટેસ્ટ ટીમમાં પોતાનું સ્થાન યથાવત રાખવા મથી રહ્યો છે.

સેહવાગે પરસેવો પાડ્યો

ઇંગ્લેન્ડ સામેની મેચ પહેલા ઇડન ગાર્ડન ખાતે પ્રેક્ટિસ સેશન દરમિયાન પરસેવો પાડ્યો હતો.

પ્રેક્ટિસ સેશનમાં ઝહીર

ભારતીય બોલર ઝહીર ખાન ઇડન ગાર્ડન ખાતે પ્રેક્ટિસ સેશનમાં પ્રેક્ટિસ કરી રહ્યો હતો.

સચિન-યુવીની મહેનત

સચિન અને યુવરાજે ઇડન ગાર્ડનમાં સારો એવો સમય વિતાવીને પ્રેક્ટિસ કરી હતી.

ધોનીની બોલિંગ પ્રેક્ટિસ

ઇડન ગાર્ડન ખાતે કેવું મેદાન છે તેનો કયાસ કાઢવા માટે ધોનીએ બોલિંગ પ્રેક્ટિસ પણ કરી હતી. ઇડનમાં ઇંગ્લેન્ડને પરાસ્ત કરવાના મુડમાં છે ટીમ ઇન્ડિયાનો સુકાની.

સચિન, સેહવાગ અને ગંભીર સાથે

ત્રીજી મેચ પૂર્વે ઇડન ગાર્ડનમાં પ્રેક્ટિસ કરી રહેલા સચિન, સેહવાગ અને ગંભીર.

ગંભીર સાથે સચિનની ગંભીર ચર્ચા

ઇડન ગાર્ડન ખાતે રમાનારી ઇંગ્લેન્ડ સામેની મેચમાં કેવા પ્રકારની બેટિંગ વ્યૂહરચના ઘડવાની છે તે અંગે ગંભીર ચર્ચા કરી રહ્યાં હોય તેવી મુદ્રામાં સચિન અને ગંભીર.