IPL 2022 : પંજાબને 154 નો ટાર્ગેટ, રબાડાની 4 વિકેટ!

IPL 2022ની 42મી મેચમાં લખનૌ સુપર જાયન્ટ્સે પંજાબ કિંગ્સને જીતવા માટે 154 રનનો ટાર્ગેટ આપ્યો છે. ટોસ હાર્યા બાદ પ્રથમ બેટિંગ કરતા લખનૌએ 20 ઓવરમાં 8 વિકેટ ગુમાવીને 153 રન બનાવ્યા છે. ક્વિન્ટન ડી કોકે સૌથી વધુ 46 રન બનાવ્યા છે, જ્યારે દીપક હુડાના બેટથી 34 રન નોંધાયા. પંજાબ તરફથી કાગીસો રબાડાએ 4 વિકેટ લીધી હતી.

કાગીસો રબાડાએ મેચમાં શાનદાર બોલિંગ કરતા 4 ઓવરમાં 4 વિકેટ ઝડપી હતી. તેણે એલએસજીના કેપ્ટન કેએલ રાહુલ (6), કૃણાલ પંડ્યા (7), આયુષ બદોની (4) અને દુષ્મંથા ચમીરા (17)ને આઉટ કર્યા હતા. પંડ્યા અને બદોનીની વિકેટ કાગીસોએ તેની એક જ ઓવરમાં લીધી હતી. તેણે 15મી ઓવરના પહેલા ક્રુણાલને પેવેલિયનમાં મોકલ્યો અને 5માં બોલ પર આયુષને આઉટ કર્યો.

મેચમાં માર્કસ સ્ટોઈનિસ 4 બોલમાં માત્ર 1 રન બનાવીને આઉટ થયો હતો. તે રાહુલ ચહરના બોલે કેચ આઉટ થયો હતો. IPL 2022માં અત્યાર સુધી સ્ટોઈનિસ રંગમાં જોવા મળ્યો નથી. તેણે 5 ઇનિંગ્સમાં માત્ર 73 રન બનાવ્યા છે. માર્કસ સ્ટોઈનિસને લખનૌની ટીમે 9.20 કરોડ રૂપિયામાં ખરીદ્યો હતો.

ક્વિન્ટન ડી કોક અને દીપક હુડ્ડાએ બીજી વિકેટ માટે 58 બોલમાં 85 રન જોડ્યા હતા. આ જોડી પંજાબ માટે મુશ્કેલીઓ વધારી રહી હતી. આ ભાગીદારી સંદીપ શર્માએ ડી કોકને આઉટ કરીને તોડી હતી. તે 37 બોલમાં 46 રનની શાનદાર ઇનિંગ રમીને પેવેલિયન પરત ફર્યો હતો. તેનો કેચ કીપર જીતેશે પકડ્યો હતો.

તે બાદ બીજી જ ઓવરમાં દીપક હુડ્ડા પણ રનઆઉટ થયો હતો. હુડ્ડા બેરસ્ટોના સીધા થ્રો પર રનઆઉટ થયો. તેણે 28 બોલમાં 34 રન બનાવ્યા હતા. આ પછી, 15મી ઓવરના પહેલા બોલ પર કૃણાલ પંડ્યાએ પણ મોટો શોટ મારવાના પ્રયાસમાં રબાડાને પોતાની વિકેટ આપી. પંડ્યા 7 બોલમાં 7 રન બનાવીને લોંગ ઓન પર શિખર ધવનના હાથે કેચ આઉટ થયો હતો.

English summary

IPL 2022: Punjab target 154, Rabada 4 wickets!