IPL 2022 : કરોડોમાં વેચાયો શિખર ધવન, આ ટીમ માટે રમતો જોવા મળશે!

દિલ્હી કેપિટલ્સે ધવનને ખરીદવાનો પુરો પ્રયાસ કર્યો, પરંતુ અંતે પંજાબ કિંગ્સે તેના પર મોટો દાવ રમીને બધાને ચોંકાવી દીધા.

નવી દિલ્હી : ગત સિઝનમાં દિલ્હી કેપિટલ્સ તરફથી રમતા શિખર ધવન માટે IPL 2022 માટે કરોડોની બોલી લાગી છે. આ વખતે ધવન પંજાબ કિંગ્સ તરફથી રમતા જોવા મળશે. ધવનને પંજાબ કિંગ્સે 8 કરોડ 25 લાખમાં ખરીદ્યો છે.

દિલ્હી કેપિટલ્સે ધવનને ખરીદવાનો પુરો પ્રયાસ કર્યો, પરંતુ અંતે પંજાબ કિંગ્સે તેના પર મોટો દાવ રમીને બધાને ચોંકાવી દીધા. ધવનની બેઝ પ્રાઈસ 2 કરોડ હતી, પરંતુ પંજાબે તેના પર 8 કરોડથી વધુનો ખર્ચ કર્યો હતો. શરૂઆતમાં રાજસ્થાને પણ તેમને ખરીદવાની તૈયારી દર્શાવી હતી. રાજસ્થાને 4 કરોડ 80 લાખ સુધીની બોલી લગાવી, પરંતુ પછી પાછળ હટી ગયું.

ત્યારબાદ દિલ્હી અને પંજાબ કિંગ્સ વચ્ચે ટક્કર શરૂ થઈ. દિલ્હીએ ધવનની બોલી 8 કરોડ સુધી કરી, પરંતુ પંજાબ કિંગ્સે હજુ પણ હાર ન માની અને ધવનને તગડી રકમ સાથે પોતાની સાથે જોડી દીધો. તેણે ગયા વર્ષે દિલ્હી કેપિટલ્સ માટે 16 મેચ રમી હતી અને દિલ્હી કેપિટલ્સનું પ્રતિનિધિત્વ કર્યું હતું. જેમાં તેણે 3 અડધી સદીની મદદથી 587 રન બનાવ્યા હતા. તેણે અત્યાર સુધી રમાયેલી 192 મેચમાં 5784 રન પણ બનાવ્યા છે.

English summary

IPL 2022: Shikhar Dhawan sold for crores, games will be seen for this team!