IPL 2023 : દિલ્હી માટે સારા સમાચાર, હવે મેદાન પર જોવા મળશે રિષભ પંત
આઈપીએલમાં આ વખતે દિલ્હી કેપિટલ્સની ટીમ રિષભ પંતને મિસ કરી રહી છે. આઈપીએલમાં પહેલા મેચમાં ખરાબ હાર સાથે શરૂઆત કરનારી દિલ્હી માટે એક સારા સમાચાર આવી રહ્યા છે.
સામે આવી રહેલા સમાચારો અનુસાર, રિષભ પંત ગુજરાત ટાઇટન્સ સામેની મેચમાં દિલ્હી કેપિટલ્સના ડગઆઉટમાં જોવા મળશે. મેચ પહેલા પંતને મેદાન પર ખેલાડીઓ સાથે વાતચીત કરતા પણ જોઈ શકાશે. અહેવાલો અનુસાર, રિષભ પંત મંગળવારે ગુજરાત ટાઇટન્સ સામે રમાનારી મેચમાં જોવા મળશે.
આ સમાચાર સામે આવ્યા બાદ દિલ્હીના ફેન્સ ઉત્સાહિત છે. ડીડીસીએના જોઈન્ટ સેક્રેટરી રાજન મનચંદાએ જણાવ્યુ કે, અમારા દર્શકો માટે સારા સમાચાર છે. ઈજાગ્રસ્ત હોવા છતાં રિષભ પંત પોતાની ટીમને સપોર્ટ કરવા આવી રહ્યો છે. તે દિલ્હીનો સ્ટાર ખેલાડી છે. મને આશા છે કે દર્શકો તેને જોવા આતુર હશે.
#WATCH | "There's good news for our spectators tomorrow. Despite his injury, Rishabh Pant is coming to support his team. He is a star of Delhi (Capitals). I hope spectators will give him a clap that he is coming among his cricketers despite such injury," says Rajan Manchanda,… pic.twitter.com/hhBjnwkLsY
— ANI (@ANI) April 3, 2023
અહીં તમને જણાવી દઈએ કે, દિલ્હીને લખનૌ સુપર જાયન્ટ્સ સામે 50 રનથી હારનો સામનો કરવો પડ્યો હતો. પ્રથમ મેચ હાર્યા બાદ દિલ્હીના ખેલાડીઓ હવે તેમના હોમ ગ્રાઉન્ડ પર પોતાનો દમ દેખાડશે. અહીં ટીમને પ્રોત્સાહિત કરવા માટે રિષભ પંત પોતે મેદાનમાં હાજર રહેશે. નિયમિત કેપ્ટન રિષભ પંતની ગેરહાજરીમાં આ સિઝનમાં ડેવિડ વોર્નર દિલ્હીની ટીમની કમાન સંભાળી રહ્યો છે. ડેવિડ વોર્નરે પ્રથમ મેચમાં શાનદાર અડધી સદી ફટકારી હતી.
Click it and Unblock the Notifications
Sign in with Google
